Кинески хороскоп за 2021-ва: Што да очекувате во годината на биволот?

Коњ (родени во 1918, 1930, 1942, 1954, 1966, 1978, 1990, 2002, 2014)

Ако имате свој бизнис, 2021-ва ќе ви донесе многу успеси – лесно ќе ги постигнете замислените цели и ве очекува голема заработка.

Сепак, среќата нема да ве следи во љубовта и ако сте во врска ве очекуваат многу конфликти со партнерот. Во овие ситуации бидете разумни и дајте сè од себе за да ги решите проблемите без многу викање и расправање.

Генерално, целата година ќе биде многу поопуштена од 2020-та и ќе имате можност да поработите на сите ваши недостатоци.

Коза (родени во 1919, 1931, 1943, 1955, 1967, 1979, 1991, 2003, 2015)

2021-ва ќе биде комплицирана година за вас. Ве очекуваат многу конфликти со саканите, но и финансиски проблеми. Ќе ви биде тешко да ги одредите вашите приоритети и во поголемиот дел од годината ќе се чувствувате неисполнето.

Можеби ќе треба да го промените работното место ако сфатите дека тоа е причина за вашето незадоволство.

Атмосферата во домот ќе биде напната и ќе се појават проблеми што не можете да ги игнорирате. Сепак, кон крајот на годината ќе ја добиете потребната поддршка и нештата ќе почнат да се подобруваат.

Мајмун (родени во 1920, 1932, 1944, 1956, 1968, 1980, 1992, 2004, 2016)

Можеби 2021-ва нема да ви донесе големи успеси, но сепак ќе помине добро. Скромни сте во врска со вашите очекувања, а токму ова ќе ви помогне да ги надминете тешките мигови.

Ако сакате да се придвижите напред на работното место ќе мора да бидете поодговорни. Дајте го најдоброто од себе и кон крајот на годината трудот дефинитивно ќе се исплати.

Во текот на годината можни се неколку мали здравствени проблеми, па немојте да го одложувате одењето на лекар.

Петел (родени во 1921, 1933, 1945, 1957, 1969, 1981,1993, 2005, 2017)

Подгответе се за навистина добра година. Благодарение на контактите од минатата година, ве очекува огромен успех на професионално поле. На работно место ќе бидете подготвени за буквално сите предизвици, а кон крајот на годината ќе бидете наградени за тоа.

Среќата ќе ве следи и во љубовта, без разлика на вашиот љубовен статус. Оние кои се во брак ги очекуваат незаборавни мигови со семејството, а можеби и некое интересно патување.

Куче (родени во 1922, 1934, 1946, 1958, 1970, 1982, 1994, 2006, 2018)

Во новата година мора да бидете пореалистични и да поработите на вашата трпеливост. Ако ги развиете овие способности, пред вас е година полна со успеси и убави моменти.

Ако сте доволно посветени, на работното место ќе се истакнете над колегите, а надредените дефинитивно ќе го забележат ова. Само, не се впуштајте во ризични разговори со колегите и избегнувајте ги конфликтите по секоја цена.

Во домот можни се мали финансиски проблеми, но со добро планирање лесно ќе ги надминете.

Свиња (родени во 1923, 1935, 1947, 1959, 1971, 1983, 1995, 2007)

Во 2021-ва ќе имате неколку можности за успех, но и покачување на платата или голема заработка ако имате своја фирма. Само, внимавајте на односот со колегите и немојте да почнувате конфликти.

Годинава ќе го подобрите и социјалниот живот – ќе запознаете многу нови луѓе, а некои познанства ќе се претворат во многу добри пријателства.

Ако сте во врска, во 2021-ва ќе се соочите со неколку сериозни проблеми. Ако сакате да ги решите, мора да поработите на вашиот темперамент и да научите да го контролирате гневот.

Спирова С. | Црнобело