Труди се да бидеш среќен!

Труди се да бидеш што посреќен. Оди смирено низ буката и гужвата и сети се на мирот кој можеш да го најдеш во тишината.

Колку што е можно, биди во добри односи со сите луѓе.

Зборувај ја својата вистина смирено и јасно и слушај ги другите, дури и глупавите и неучените затоа што и тие имаат своја приказна.

Избегнувај ги бучните и насилни личности, тие се товар на духот.

Ако се споредуваш со другите можеш да станеш огорчен или горд, затоа што секогаш ќе има поголеми и помали од тебе.

Радувај им се на своите достигнувања и планови.

Одржи го личниот став, колку и да е скромен, тоа е единственото богатство во овие променливи времиња.

Биди внимателен во она што го правиш, затоа што светот е полн со измами.

Многу луѓе тежнеат по високи идеали и животот е полн со хероизам. Ти само биди она што си. Биди свој.

Посебно немој да глумиш љубов. И немој да си поигруваш со неа. Покрај огорченоста и разочарувањата, љубовта е вечна.

Спокојно прими ги искуствата низ годините, складно напуштајќи ги грешките од младоста.

Но, немој да се сожалуваш. Многу стравови произлегуваат од заморот и осаменоста.

Освен одржувањето на здравите стеги, биди благ кон себе.

Ти си човек, дете на вселената, ништо помалку од тоа дрво до тебе или ѕвездата над тебе.

Покрај сите валкани и срушени соништа, ова сепак е прекрасен свет. Труди се да го задржиш мирот во душата.

Труди се да бидеш среќен!