Мудра приказна: Кога мајките ги фалат своите синови...

Три жени се сретнале покрај бунарот каде секој ден полнеле вода и се зазбореле за своите синови.

„Би требало да го слушнете мојот син, прекрасно пее, како славеј!“ – изјавила едната жена.

Другата жена исто така, започнала да се фали: „А да го видите мојот син, колку е висок и силен! Кога ќе фрли камен, облаците ги допира“.

Потоа, забележале дека третата воопшто не се фали и започнале да ја провоцираат: „А, твојот син?“

Молчејќи се упатиле кон селото. Третата жена се чувствувала непријатно покрај другите две. Сонцето печело, а товарот бил сè потежок. Одеднаш, трите жени ги здогледале своите синови.

„Слушнете колку убаво пее мојот син!“ – извикала првата, покажувајќи кон момчето кое занесно пеело и седело.

„Погледнете го мојот син“ – восхитено викнала втората, „Колку високо го фрла каменот!“.

Третиот син ја здогледал својата мајка и веднаш истрчал за да ѝ го земе товарот од рамениците.

Н. Г. | Црнобело