Кратка поучна приказна - Што значи да се биде лаком?

Сите некогаш сме се затекнале во близина на лакоми и ненаситни луѓе. Тоа се оние кои први се грабаат на шведската маса, што би се рекло, без срам и усул, оние кои се туркаат низ толпата народ, како да ќе нема утре, ако не каснат уште едно саламче. Тоа се сите оние кои се однесуваат како животот да им зависи од таа лажица салата или тоа парче торта.

Ќе се согласиме дека тоа е врвот на некултурното однесување. Не е важно дали ти се пие или ти се јаде, дали е културно и каков впечаток оставаш.

Окото е секогаш ненаситно, стомакот – вреќа без дно.

Што е всушност лакомост?

Да речеме, дека секој ден имаш чинија со 20 бонбони. И секој нареден ден, ти ја ставаат истата чинија пред тебе, со нови 20 бонбони. Секој ден, истата чинија, со нови 20 бонбони, до крајот на животот.

Тој што секој ден ги собира сите 20, знаејќи дека утре нема да му избегаат новите 20, и така секој ден... А трагедијата е што воопшто не јаде бонбони.

Е таквиот човек - е лаком човек.

(О)Милена | Црнобело