Мамини галеничиња и насилници кон сопствените мајки, засрамете се!

Мажите на денешницата се прекрасни, веќе зборувавме за тоа. Но, во секоја убава кошница мора да има и по неколку скапани јаболка.

А тие скапани јаболкца доаѓаат во обликот на мамини галенчичиња и насилници кон сопствената мајка и целиот женски род!

Првиве манипулираат. Сè им е на нив нешто лошо, плачковци на кои не им е погоден денот, неделата, животот.

Се однесуваат како во хотел со послуга. Сè да им е подредено, чисто и фино. Мама е најфина, мама е најдобра, букет за мама (од сосема погрешни причини).

На мајката повеќе ќе ѝ значи да се фатиш за работа, отколку да ѝ носиш подарочиња со кои ја купуваш нејзината наклоност.

Не дека на мајките не треба да им се упатуваат комплименти и да им се даваат подароци.

Но, понекогаш делата зборуваат погласно од фалбите.

Мамини галеничиња, ласкавци кои не кренале ништо потешко од лажичка во животот и весело си бродат со подредени коцки, затоа што се неверојатни манипулатори. Засрамете се.

Втората група оди во друг есктрем. Радикално поразлична, насилници на кои женскиот род не им е по мерак, а првата (и веројатно) последната жена од своето опкружување решаваат да ја тероризираат.

Типичен зародиш на алфа балкански мажјак кој знае само да наредува, вика и пцуе на сиот глас, се чеша за стомакот што има тенденција да се направи пивски уште пред 30-тата година.

Се легачи до пладне, и се дере, дере, дереее! По мајка му, како да му е последно, се заканува и ја заплашува. Детиште скапано. Засрамете се и вие.

Сте излегле од утробата на жена, ве одгледала сакајќи од вас да направи човек, маж, а вие сте обичен неблагодарен „створ“!

Ги делите работите на строго машки и женски, живеете со убедување дека жената е добра само за домаќинка и за оплодување и раѓање деца.

Таа нема право на свое мислење, не смее да го крене гласот. Во вашиот речник, жената е безгласна буква.

Ако некогаш добијам натприродни моќи, би сакала да можам физички да се пресметам со овие „створови“.

Навечер, во темни и тесни сокачиња, онака мераклиски до помодрување и збумбарување, онака како што вашите погани зборови и напластениот страв го распарчуваат срцето на вашата мајка.

Па секое утро да ја пречекувате мајка ви со сварено кафе, букет цвеќе и пружена облека на тераса.

©CRNOBELO.com Забрането преземање и копирање. Крадењето на авторски текстови е казниво со закон.

(O)Милена | Црнобело