Да ми кажеш само „Те сакам“ не е доволно

Велиш дека „ме сакаш“. Велиш дека „засекогаш ќе бидеш со мене“. Велиш дека „животот не можеш да го замислиш без мене“. Ама сакам да знам дека ќе можеш да ми покажеш дека ме сакаш. Сакам да ми покажеш дека ме сакаш со своите дела.

Не ми треба тоа да ми го кажуваш. Не ми треба тоа да ми го шепотиш. Бидејќи ќе знам.

Само да ми кажеш „те сакам“ не е доволно.

Затоа нема туку така да се стрчам веднаш кон твоите раце и прегратки. Нема бескрајно да те обожавам.

Да бидеш заљубен е многу повеќе од зборови. Вистинската љубов е многу повеќе од тоа. Немој погрешно да ме разбереш. Магично е чувството кога ќе ги слушнеш тие зборови. Магично е да знаеш што некој чувствува за тебе. Прекрасно е.

Ама да бидам искрена, не можам вистински да верувам во тие зборови, сè додека не ги покажеш.

На крај краишта, зборовите се само зборови. Без разлика на тоа колку се чисти и искрени. Ми треба да ми покажеш колку ме сакаш преку тоа како ме љубиш. Ми треба да ми покажеш колку ме сакаш преку начинот на кој ме држиш. Ми треба да ми покажеш колку ме сакаш преку малите работи. Преку твојата насмевка. Преку нашите расправии. Преку начинот на кој го изговараш моето име.

Не ми треба стотици пати да ми кажеш „Те сакам“.

Не ми треба тоа да го слушам секојдневно.

Само ми треба да верувам дека тоа е вистина. Ми треба да ме натераш да клекнам на колена кога ќе погледнам како ми се смееш.

Ми треба да изгубам здив кога нежно ме љубиш после напорниот ден. Ми треба да го изгубам чувството за време кога лежерно уживаме во кревет. Да се слушнам себеси како силно се смеам кога ќе се пошегуваш.

Да ми кажеш „Те сакам“ е магично. Ама да ми го покажеш тоа без зборови? Тоа е она што ме држи на овој свет.

Н. Г. | Црнобело