Што навистина значи љубовта кон себе?

Љубовта кон себе, односно грижата за себе не значи дека мора да се разгалуваме дозволувајќи си го секое задоволство - понекогаш е добро некои задоволства и да си ги скратиме.

Помислете на децата. Ако имате дете, сигурно бескрајно го сакате, но и покрај тоа, некои нешта му ги забранувате и го насочувате по патот на дисциплината. Истото го правеле и вашите родители. Сигурно не ви дозволувале да се прејадете со слатки пред оброк или да учите вечерта пред тестот.

Како возрасни знаеме дека мора да негуваме здрави и продуктивни навики. Како и на децата, така и на сите останати потребни им се љубов, топлина, поддршка, разбирање и дисциплина - сето тоа во разумни граници. Најважен фактор во ова е и односот кој го имаме со самите себе.

Затоа, кога следен пат ќе се разбудите рано за да стигнете на тренинг, кога ќе одолеете на десертот или нема да се вклучите на Фејсбук за да ја видите нотификацијата, ќе знаете дека тоа сте го направиле за себе. Кога ќе почувствувате дека од нешто се откажувате, за да можете да направите нешто друго, знајте дека со тој гест сте си покажале себе дека се сакате.

Повторувајте си: „Јас не се измачувам себе, на овој начин всушност си покажувам колку се сакам.“

Со помош на оваа реченица и нејзиното повторување, самодисциплината и љубовта кон себе веќе не се толку тешки процеси.

Е. Д. | Црнобело