Гоблени, јамболии - Работи што ги имаше во секоја југословенска куќа

Шарени теписи

И теписите беа задолжителни во секој дом и за нив важеше правилото колку пошарени - толку подобри.

Целиот под од домот беше покриен со тепих со разни геометриски шари, а дефинитивно најпопуларна беше црвената боја.

Кристални вазни

Сите домови имаа барем по една кристална или стаклена вазна. А, ако пребарате дома, сигурно ќе најдете некоја што останала од порано.

Оние, пак, кои скршиле ваква вазна во домот, сигурно не поминале неказнето.

Гоблени

Порано луѓето немале интернет, па везењето била популарна разонода. А, кога ќе поминете денови везејќи гоблен, нормално е да сакате да го закачите на ѕидот.

Па така, речиси и да не постоеше дом без најмалку еден гоблен врамен во кич рамка.

Јамболија

Веројатно и денес ништо не може да ги замени топлите јамболии во текот на зимата.

И јамболиите беа нешто што се подарува на свадба или се наследува. Нивното перење е вистински предизвик, но тоа не ги спречувало луѓето да ги покријат сите кревети со нив.

Чоканче

Секој дом имаше мали шишенца за пиење ракија. Ако дедо ви е љубител на овој пијалак, веројатно сè уште го пие од чоканче.

Тоа што е речиси невозможно да го измиете, очигледно не било проблем.

Спирова С. | Црнобело