Душо, сфати веќе еднаш дека не може сите да те сакаат и крени раце

Ќе има луѓе што нема да те сакаат во животот и тоа е сосема во ред...

Престани да се оптоваруваш дека мора да се допаднеш секому.

Престани доцна во ноќите да лежиш во креветот будна и да се прашуваш што правиш погрешно.

Престани да си го мачиш умот зошто таа личнопст не те сака.

Престани да веруваш дека секој треба во животот да му се допадне секому.

Сфати дека перцепцијата на некои луѓе за тоа што си ти не можеш да ја промениш.

Крени раце од борба со ветерници и кажи си дека животот можеш да го минеш и без нивната љубов.

Доста си судиш дека било што правиш погрешно.

Доста се тормозиш дека мора да се промениш за да бидеш подопадлива за некого.

Доста си ставаш кочници на тоа да бидеш тоа што си, само поради нивните коси погледи.

Доста си ги ставаш нивните зборови на срце, тие за тебе се невидливи, не постојат.

Доста се мрачиш толерирајќи присуство во својот живот на луѓе кои не сакаш да бидат дел од него.

Доста те јаде инаетот дека не може некој тебе да не те сака.

Ајде сега ослободи се од прангите...

Запри со губењето на време на нив.

Дај им билет во еден правец од твоето секојдневие.

Перцепирај ги како неважни за твоето постоење.

Фокусирај се на луѓето кои се вредни за твојата љубов.

Фокусирај се на луѓето кои те сакаат со целото свое срце токму онаква каква што си, да со сите твои „неподносливи“ мани.

Животот е прекраток за да губиш време на самообликување на начин да си сакана од сите, а притоа заборавајќи на основното, на љубовта кон себе.

Ако толку многу се промениш, дали ќе ти биде удобно во твојата кожа?

Дали ако ти престанеш да се сакаш себеси нечија љубов ќе ти вреди пет пари?

Не, нема, знам дека тивко си говориш.

Тогаш што чекаш? Ова нека ти биде првиот ден од остатокот од твојот живот кога ќе се помириш со фактот дека не може сите да те сакаат и уште поважно дека навистина нема потреба сите да те сакаат.

©CRNOBELO.com Забрането преземање и копирање. Крадењето на авторски текстови е казниво со закон.

С. С. | Црнобело