Кога жената готви тоа е секојдневие. Кога мажот готви тоа е специјална пригода…

Кога жената готви тоа е секојдневие. Кога мажот готви тоа е специјална пригода.

Кога жената постила алишта тоа е нормално. Кога мажот го прави тоа е лигуш и папучар.

Кога жената се грижи за детето тоа е мајчински инстинкт. Кога таткото го носи на прошетка тој е грижлив и посветен родител.

Кога жената ќе се изнервира за нешто на работа – во ПМС е. Кога мажот ќе се изнервира на работа тој е цврст и одлучен работник кој е практично незаменлив во тимот.

Кога жената заглавува во кафеана е неприбрана растурикуќа. Кога мажот заглавува во кафеана тој е боем.

Кога жената има повеќе сексуални партнери таа е „мераклика“ (читај: ороспија). Кога мажот има повеќе сексуални партнерки тој е фраер.

Кога жената купува работи за дома таа е ненаситна. Кога мажот купува нешто за дома тој е домаќин.

Кога жената ќе ја удри колата таа е неспособен слепец. Кога мажот ќе ја удри колата тоа е ненамерна, мала незгода.

Кога жената е болна ќе стане од креветот и ќе си го продолжи нормално денот со сите обврски. Кога мажот е болен ќе легне како да дошол крајот на светот и ќе повика доктор и поп.

Кога жената ќе покаже знак на слабост таа е нестабилна и многу чувствителна. Кога мажот ќе покаже знак на слабост тој е храбар и искрен.

Кога жената има потреба да биде сама таа е депресивна. Кога мажот има потреба да биде сам тој има потреба да се „излуфтира“.

Кога жената треба да бира помеѓу мажот и родителите, таа секогаш ќе го одбере мажот. Кога мажот треба да бира помеѓу жената и родителите тој секогаш ќе ја одбере мајката.

Содржината и ставовите изразени во авторските текстови и колумни претставуваат лични ставови на авторот и не мора нужно да ги одразуваат ставовите на редакцијата на порталот CRNOBELO.com

©CRNOBELO.com Забрането преземање и копирање. Крадењето на авторски текстови е казниво со закон.

(О)Милена | Црнобело