Јас ќе славам Нова година дома со корона, а вие?

Изненадувањето „позитивна на корона“ го диктира планот годинава....

За Нова година немав некои спектакуларни планови со оглед на ситуацијата, но одредена замисла со најблиските имав дефинитивно.

И новогодишни венчиња и жижици и стајлинг, но тоа е.

За жал, планот ми се промени – ќе славам Нова година дома со новогодишната програма на Преспав, што ми е светла точка морам да признаам.

Изненадувањето „позитивна на корона“ го диктира планот годинава.

И далеку од тоа дека сметам дека е лошо да се слави Нова година дома. Туку едно е кога сакаш, а друго е кога мораш и кога немаш избор.

Уште од сега си ја прогласувам оваа за најлудата новогодишна ноќ досега. Но, во целата негативна ситуација симпатично е што со сопругот двајцата сме позитивни, па ќе си славиме заедно затворени во четири ѕида.

Има доза романтика, зарем не? Во буквална смисла на зборот – заедно и во добро и во зло. Замислете да бев сама...

Инаку, си гледаме низ прозорец како животот се случува надвор и чувствуваме како да сме во некое реално шоу. Искрено, се смееме до солзи, не знам зошто, но емоциите се засилени кога си затворен.

Сепак, среќна околност е што можеме да работиме од дома, па времето некако ни минува. Во исчекување сме викендот без работни обврски што ќе ни „донесе“. Да, да, веќе ги изгледавме половина серии на Нетфликс и филмски предлози примаме.

Уште од сега ми е симпатично каков спомен ќе ми биде оваа Нова година за години отсега. Уникатна и незаборовна, а сигурно и вредна за раскажување.

На крајот од денот сѐ си има своја убавина... Само да сме добри.

© CRNOBELO.com Забрането преземање и копирање. Крадењето на авторски текстови е казниво со закон.

С. С. | Црнобело