Лара Иванова за CRNOBELO лексикон: „Како дете си ја расеков брадата - лузната ја имам и денес“

Детали

петок, 13 декември 2024

„Во градинка бев заљубена во еден Мартин, но сега не знам каде е ниту што прави“ - Лара Иванова се потпиша во лексиконот на CRNOBELO.com.

Кога ќе се спомне песната „Бела“, првата асоцијација се Лара и Пајак, кои пред 2 години го испеаја големиот макфестовски хит.

Но, 20-годишната Лара зад себе има и многу музички хитови, но и успешна балетска кариера.

Таа се потпиша во нашиот лексикон, па ни го откри својот најголем страв, кое место во светот ѝ е најубаво, кој ѝ е идол во животот, а да не е славна личност.

Прочитајте што ни напиша Лара:

1. Како се викаш и дали имаш прекар?

Се викам Лара, немам прекар.

2. Колку години имаш и што си во хороскоп? 

Имам 20 години (14.05.2004), во хороскоп сум Бик.

3. Која ти е омилена песна? А пејач и пејачка?

Имам многу омилени песни, но би ја издвоила I Wanna Be Yours од Arctic Monkeys, а како пејачка заради нејзините вокални способности би ја издвоила Аријана Гранде.

4. А омилена книга?

The Whisperer од Донато Кариси.

5. Омилен глумец, глумица, филм, серија?

Омилен филм ми е The Lord of the Rings, а серија Game of Thrones.

6. Имаш ли омилен спорт, клуб, спортист? За кого навиваш?

Омилен спорт ми е ракомет, а навивам за Вардар.

7. Имаш ли милениче? Како се вика?

Имам две мачки, се викаат Мици и Мони.

8. Кој ти е среќен број?

Никогаш не сум имала среќен број, но ги сакам броевите 8, 6 и 4.

9. Што сакаше да бидеш кога ќе пораснеш?

Отсекогаш сакав да сум пејачка.

10. Кој ти е омилениот пијалак? А храна?

Цеден портокал и пилешко во кари сос.

11. Кој ти е најдобар другар/ка? Колку долго се дружите?

Тамара, Миа и Сташа ми се најдобри другарки со кои што се дружам уште од основно училиште.

12. Каков ученик беше? Кој ти беше омилен предмет?

Бев одличен ученик. Прилично бев мирна и сакав да си ги исполнувам задачите максимално, а омилени предмети ми беа музичко и македонски јазик.

Продолжува на следната страница...