Марко Новески за CRNOBELO лексикон: „Девојче ме бакна во IV одд. со јазик - цела ноќ имав нагони на повраќање“

Детали

петок, 16 јануари 2026

„Моето среќно место е куќата во Струга и тие детски денови во Езерски лозја поминати со моите братучеди и со целата фамилија. Мислам дека кога би имал времеплов, би се вратил во среќните денови“ - напиша Марко Новески во лексиконот на CRNOBELO.com.

1. Како се викаш и дали имаш прекар?

Се викам Марко Новески, немам прекар.

2. Колку години имаш и што си во хороскоп?

Роден сум 14.01.1980 година и во хороскоп сум Јарец.

3. Која ти е омилена песна? А пејач и пејачка?

) Омилени песни ми се неколку од Суперхикс, ама ајде ќе ја издвојам „Африка“ во оваа ситуација, затоа што многу ме потсетува на многу работи што се случуваат околу нас.

Пејач и пејачка, ќе бидам неблагодарен ако издвојам еден или два, сите ги почитувам и ги слушам, ама малку пристрасен сум према Лара Иванова, мојата колешка во Урбан ФМ радио, а како пејач, искрено, го сметам за многу добар вокал Влатко Лозаноски Лозано.

4. А омилена книга?

Омилена книга ми е „Банкари“ од Артур Хили, интересна книга, станува збор за тоа што се случува во банките во ’80-те години, со појавата на кредитни картички, чекови и така натаму.

5. Омилен глумец, глумица, филм, серија?

Немам ништо време да гледам филмови во последно време, останат сум на Кристофер Вокен, постар актер, кој многу си го почитувам.

Ги сакам постарите актери, а од денешно време, Леонардо Ди Каприо би го издвоил. Серија ми е Breaking Bad.

6. Имаш ли омилен спорт, клуб, спортист? За кого навиваш?

Ватерполо, којшто го имам и тренирано. Не гледам многу спорт и не навивам за никој клуб, освен, се разбира, за МЗТ Скопје и Вардар.

7. Имаш ли милениче? Како се вика?

Имам три кучиња, се викаат Кори, Дизни и Тимон.

8. Која е најчудната/најсмешната порака што си ја добил на Инстаграм?

Машки полов орган, не знам зошто мене ми беше пратено. 

9. Што сакаше да бидеш кога ќе пораснеш?

Сакав да бидам ова што сум сега во моментот, цел живот мечтаев да си бидам во шоу бизнисот, така кажано, со тоа што одев од едно кон друго - прво мислев дека сакам да бидам музичар, па актер, водител, па пак актер, музичар, но сега сум тоа што сум си.

10. Кој ти е омилениот пијалак? А храна?

Мојот омилен пијалак е вода, а од храна - пица.

11. Кој ти е најдобар другар/ка? Колку долго се дружите?

Најдобар другар ми е кумот, Даме, со кој што се дружиме веќе 30 години.

12. Каков ученик беше? Кој ти беше омилен предмет?

Бев добар ученик, не бев ништо посебно, затоа што ми беше срам да одговарам пред другите, за разлика од сега каде што не ми е срам да зборам.

Порано се срамев да зборувам пред други, а па кога требаше да се одговара најчесто, викав дека сум неспремен за да одговарам писмено. Тоа се одрази многу на мојот просек.

13. Кој ти е идол (а да не е позната личност)?

Моите родители. Сега откако сум и јас родител, сваќам низ што поминале - епа, тие се моите идоли.

14. Кога би можел да си лик од цртаните, кој лик би сакал да бидеш?

Џони Браво.

15. Кои ти беа најомилени игри во детството?

Се знае - џамлии, исто така камај-камај, и возење точак на градилишта. Тоа го правевме често.

Продолжува на следната страница...