Ми недостига времето кога „вртевме“ со ламбади и лижевме „степ дринк“ од рака

Кога читавме „Наш свет“ и „Развигор“, кога бевме опседнати со момчињата од бендовите како „Backstreet Boys“ и се каравме кој од нив е најубав, кога вртевме на фиксен, „дишевме на слушалка“ и спуштавме, кога се „тресевме“ пред испрашување...

Кога ќе се сетам на детството, топло ми е на срцето и на ум ми паѓа:

Кога „вртевме“ со ламбадите со другарка ми на училиште,

Кога лижевме „степ дринк“ од рака,

Кога игравме народна, одбојка, грабни стапче, цигарче,

Кога скокавме на ластик и игравме џамија,

Кога стиховите на песните ги имаше во списанија и ги учевме на памет,

Кога си зборевме преку токи-воки,

Koга се радувавме кога имавме голем прибор, преполн со разни работи,

Кога потполнувавме лексикони,

Кога пишувавме дневници и ги криевме, затоа што таму ни беа најгооолемите тајни,

Кога лепевме постери на ѕидовите во детска соба и собиравме постери во папки,

Кога бевме опседнати со момчињата од бендовите како „Backstreet Boys“ и се каравме кој од нив е најубав,

Кога вртевме на фиксен, „дишевме на слушалка“ и спуштавме,

Кога остававме порака кај родителите на другарките „нека ми се јави кога ќе дојде дома“,

Кога читавме „Наш свет“ и „Развигор“,

Кога одењето на екскурзија од училиште ни беше настан на годината,

Кога носевме фиксна протеза и броевме денови да ја извадиме порано затоа што сакаме да си фатиме момче/девојка,

Кога си стававме обетки - лепенки,

Кога бегавме од часови и се молевме дома да не нè дознаат,

Кога на учителките им смислувавме прекари,

Кога ѕиркавме под биро која учителка ги соблекла обувките затоа што ја стискаат и се смеевме,

Кога се „тресевме“ пред испрашување,

Кога си подававме ливчиња и „препишувавме“ на тест,

Кога си стававме печати на рацете, собиравме детска пошта и се менувавме со ливчиња,

Кога бевме колекционери на салфетки, шишенца од парфеми и што уште не,

Кога бевме опседнати со „Касандра“ и „Млади бунтовници“,

Кога си титкавме на мобилен телефон,

Кога се будевме со будилници, а не со аларам од телефон,

Кога животот беше поедноставен, а деновите безгрижни.

Кога бевме деца и кога ни беше најубаво на свет.

© CRNOBELO.com Забрането преземање и копирање. Крадењето на авторски текстови е казниво со закон.

С. С. | Црнобело