„Најчеста лага е онаа што си ја кажуваме себеси“ – Мудри цитати од Фридрих Ниче за животот и љубовта, што ќе ве замислат

„Ниту најмоќните очила понекогаш не успеваат да ја излекуваат личноста што е вљубена“. Ова е еден од попознатите цитати на Фридрих Ниче за љубовта. Прочитајте уште неколку негови инспиративни цитати за животот и љубовта...

Фридрих Вилхелм Ниче важи за еден од највлијателните германски филозофи, критичари, поети, филолози и есеисти.

Неговите идеи за религијата, моралот, доброто и злото и до ден-денешен привлекуваат внимание, а важи за еден од најпровокативните мислители на своето време.

Некои од неговите најпознати книги се: „Така зборуваше Заратустра“, „Антихрист“, „Ecce Homo“, а за неговиот лик и дело се зборува и во филмот „Кога Ниче плачеше“.

Во продолжение издвојуваме неколку негови цитати за животот и љубовта што сигурно ќе ве натераат да размислите:

1. „Најчеста лага е онаа што си ја кажуваме себеси, лажењето на другите е исклучок“ ;

2. „Не сум вознемирен што ме лажеш, туку затоа што повеќе не можам да ти верувам“ ;

3. „Не е недостатокот на љубов, туку недостатокот на пријателство го прави бракот несреќен“ ;

4. „Да се живее значи да се страда, да се преживее значи да се најде некое значење во страдањето“ ;

5. „Го сакаме животот не затоа што сме навикнати да живееме, туку затоа што сме навикнати да сакаме“ ;

6. „Љубовта е слепа, а пријателството ги покрива очите“ ;

7. „Ниту најмоќните очила понекогаш не успеваат да ја излекуваат личноста што е вљубена“ ;

8. „Барањето да се биде сакан е најарогантно од сите арогантни претпоставки“ ;

9. „Сѐ што е направено во име на љубовта е поголемо од доброто и злото“ ;

10. „Во секој вистински човек се крие по едно дете што сака да си игра“.

Б. С. Б. | Црнобело