Тврдеше дека принцезата Дијана е бремена од син му Доди: Факти за милијардерот Мохамед ал Фајед

Тврдеше дека Дијана и Доди се свршиле

По трагичната смрт на Дијана и Доди, Мохамед излезе со тврдење дека син му и принцезата се свршени и планирале да се венчаат.

Истовремено, тврдеше и дека Дијана била бремена.

Не веруваше дека сообраќајката на Доди и Дијана била несреќа

Мохамед е првата личност која ги разгоре гласините дека Доди и Дијана всушност биле убиени.

Тој јавно го обвини кралското семејство за нивната смрт, а тој период зборуваше и за наводната свршувачка и бременоста на Дијана.

Според милијардерот, принцот Филип им наредил на британските тајни служби да ја убијат Дијана бидејќи не сакал таа да се венча со Доди кој е муслиман.

Во 2000 година, Мохамед ги тужеше американските владини агенции, тврдејќи дека и тие кријат информации за смртта на Дијана и Доди.

Но, во 2008 година, милијардерот „крена раце“ од случајот, откако нова истрага покажа дека сообраќајката сепак била несреќен случај.

„Му оставам на Бог да се одмазди за мене, но јас нема да направам ништо друго.

Јас сум татко кој изгуби син и изминативе десет години направив сè што е во моја моќ“, изјави тогаш милијардерот.

Прочитајте и: Раскинал свршувачка со манекенка за да биде со принцезата Дијана, беа во врска само 3 месеци – Факти за Доди ал Фајед

Сонуваше да добие британско државјанство

По неколку децении во Британија, заедно со неколку успешни бизниси, Мохамед ал Фајед не успеа да допре до британско државјанство.

Во 1999 година, кога вторпат бил одбиен, тој изјави:

„Ќе останам овде. Во ред е (што ме одбија), не е проблем. Но, не сум очаен и не ја напуштам земјата. Останувам овде засекогаш“.

Тогаш, британскиот The Guardian извести дека Мохамед бил одбиен за државјанство поради неговата вклученост во низа контроверзии.

Дел од јавноста верува дека големо влијание има и неговиот напад врз кралското семејство за несреќата на Доди и Дијана.

Обвиненија за сексуални напади, и по смртта

Низ годините, Мохамед се соочил со низа обвиненија за сексуален напад и сексуално насилство.

Во 1997 година, неколку жени кои работеле во Harrods го обвинија за вознемирување – милијардерот ги допирал, присилно ги бакнувал, па и им ставал пари во градниците.

Во 2008-ма, беше обвинет за напад на 15-годишно девојче.

Тој ги негираше и двете обвиненија.

Во 2018-та, жена изјави дека кога имала 15 години, ѝ била понудена работа во Harrods, а Мохамед ѝ купувал скапи подароци. И, потоа се обидел да ја силува.

Поради немањето доволно докази, случајот бил отфрлен.

Мохамед се соочи со обвинување за силување и во 2013-та, заради што се отвори истрага, но и за овој случај наводно немало доволно докази.

Сега, и по неговата смрт, се појавија нови обвиненија против милијардерот.

Пет жени кои порано работеле во Harrods тврдат дека биле вознемирувани и силувани од Мохамед.

Наводно, се очекувало уште барем 20 жени да излезат со сведоштва за напади кои се случувале во периодот помеѓу 1984 и 2010 година.

А, иако сите околу Мохамед биле свесни за ова, не само што не презеле ништо, туку и го штителе и прикривале докази.

Според некои од жените, Мохамед не напаѓал жени само во Harrods, туку и во хотелот Риц.

„Мохамед ал Фајед беше чудовиште, сексуален предатор без морален компас. Сите бевме исплашени“, вели една од жените.

Засега нема дополнителни информации за тоа дали и кога ќе се спроведе истрага.

Спирова С. | Црнобело