Не го покажува лицето во јавност, се грижи за децата од „бившите“ на сопругот – Која е првата дама на Дубаи?

Освен што ги одгледала 12-те деца што сама ги родила, првата дама на Дубаи се грижела и за децата на сопругот од другите бракови. Така, штом Мохамед ќе се разведел од сопругите, ги задржувал децата кај себе и ги предавал во грижа на првата сопруга.

Освен што се грижела за децата на Мохамед, шеика Хинд исто така посвоила голем број деца од сиропатилиште и им посветила љубов и внимание. Според пишувањата, таа премногу сакала деца и целиот живот им го посветила ним.

Првата дама на Дубаи единствено не се грижела за децата на Мохамед од неговиот брак со јорданската принцеза Хаја ал-Хусеин, која во 2019-та година побегна со нив во Лондон, а потоа по разводот на шеикот му беше наредено да ѝ исплати 728 милиони долари.

Според гласините, шеика Хинд била таа што направила сè за сопругот да се разведе од принцезата, затоа што била љубоморна на младата ривалка, која ѝ го одзела престижното место во палатата и кралскиот живот.

За разлика од другите жени на шеикот, шеика Хинд никогаш не се истакнувала јавно, иако под нејзино покровителство се одржале голем број хуманитарни настани.

Интересно е што нејзината фотографија никогаш не била објавена јавно, а кога излегува во јавност таа секогаш носи традиционален метален превез кој е познат како „батула“ или „голфска бурка“.

Овој превез традиоционално го носеле сите жени во земјите од Персискиот Залив што се омажени.

Шеика Хинд е во брак со Мохамед веќе 45 години, а сигурно, иако живее во огромен луксуз и богатство животот воопшто не ѝ бил лесен. Според некои пишувања, познато е дека нејзиниот сопруг бил голем женкар, кој истовремено имал по 4 други жени во харемот – некои познати, а некои непознати.

Б. С. Б. | Црнобело