Сакала дете наместо кариера, сопругот ја доведе до зависност и пропаст - Факти за Ејми Вајнхаус

Имала страв од настапи

Ејми има изјавено дека таа воопшто не била изведувач:

„Јас сум пејачка, но сум многу срамежлива. Не сум роден изведувач. Но, кога ќе се качам на сцената, кога ќе почнам да пеам, сè е во ред“.

Сакала семејство

Според бек-вокалот на Ејми, Залон Томпсон, таа многу повеќе сакала да биде мајка и сопруга отколку да пее.

„Знам дека сум талентирана, но не сум дојдена овде за да пеам. Овде сум за да бидам сопруга и мајка и за да се грижам за моето семејство“, има изјавено пејачката.

Воопшто не сакала соработки

Кога ја прашаа дали сака да соработува со други музичари, Ејми изјави:

„Не, бидејќи знам што точно сакам да правам уште пред другата личност да влезе во просторијата“.

Ејми сметала дека можеби некогаш ќе ѝ одат соработките со други музичари, но најчесто сакала да работи сама.

Била забавна личност пред проблемите со зависноста

Според луѓето кои ја знаеле Ејми пред да стане славна, таа била забавна, здрава и неверојатна девојка. И членовите на нејзиното семејство имаат слични приказни:

„Таа е многу дарежлива и грижлива. Ќе направеше сè за кого било. Таа беше лојална – како сестра, како ќерка и како пријателка“, вели нејзиниот брат.

Љубовта на нејзиниот живот ја доведе до пропаст

Многумина веруваат дека Блејк, за кого Ејми велеше дека е љубовта на нејзиниот живот, а од кој се разведе во 2009-та, ѝ го покажал на пејачката светот на дрогата.

Иако Ејми користела наркотици и пред да го запознае, тој ја навлекол на потешка дрога и најверојатно е одговорен за нејзината зависност.

Проблеми со булимија

Покрај зависноста, Ејми имала и сериозни проблеми со булимијата. Во 2013-та нејзиниот брат изјави:

„Многу страдаше од булимија. Тоа не е некое откритие – доволно беше само да ја погледнете. Она што ја уби е всушност булимијата. Мислам дека ја направи послаба. Ако немаше нарушување во исхраната, ќе беше физички посилна“.

Трагичен крај

На 23-ти јули 2011-та, пејачката почина од труење со алкохол. Уште потажно е што неколку денови пред смртта, таа постојано била трезна и била на добар пат да се ослободи од зависноста.

Фановите до денес не можат да се помират со нејзината смрт и како секоја година, и оваа ѝ покажаа почит на денот на нејзиниот роденден:

„Ејми Вајнхаус ќе имаше 37 години денес. Навистина редок и уникатен талент. Почивај во мир“.

„Среќен роденден Ејми. Секогаш ќе бидеш огромен и важен дел од мојот живот“.

„Среќен роденден легендо! Те сакам и ми недостасуваш секој ден“.

Спирова С. | Црнобело