Сегашното американско знаме е дизајнирано од средношколец и уште 10 несекојдневни факти кои ќе ве остават без зборови

21-от век претставува асоцијација на нови технологии, знаења и идеи.

Научната област непрекинато напредува, а знаењата и истражувањата секојдневно нараснуваат.

Со оглед на новитетите кои молневито ги носи оваа модернизирана ера, во продолжение за вас одделивме неколку забавни факти кои со сигурност ќе ве изненадат:

Првите портокали всушност не биле портокалови

Колку и да звучи неверојатно, оригиналните портокали од Југоисточна Азија биле комбинација од мандарина и помело и тие всушност биле зелени.

Имено, портокалите во потоплите региони како Виетнам и Тајланд, сè уште остануваат зелени до самата зрелост.

Шкотскиот јазик изобилува со над 400 зборови кои го означуваат зборот „снег“

Тие имаат зборови соодветни да опишат секаков вид на снег, како што е снегот што е повеќе сличен на дожд, снегот што паѓа со поголема брзина, слабите врнежи на снег итн.

Најдолгиот англиски збор има 189.819 букви

Доколку сакаме да го кажеме овој збор на глас би ни требале цели три и пол часа.

Зборот е всушност име на протеин, познат и како титин. Бидејќи обично имињата на протеините ги сочинуваат имињата на хемикалиите од коишто се составени, а овој протеин се смета за најголемиот што е откриен досега, неговото име го сочинуваат 189.819 букви.

Човекот со најдлабокиот глас на светот може да испушти звуци коишто луѓето не можат да ги слушнат

Тим Стормс, дури и самиот не може да ја слушне нотата што е осум октави под најнискиот тон сол (G) на пијаното – но, верувале или не, слоновите можат.

Сегашното американско знаме е дизајнирано од средношколец

Сѐ започнало како училишен проект за час по историја за кој младиот Боб Хефт добил задоволителна оцена во 1958 година. Неговиот дизајн се состоел од 50 ѕвезди, иако Алјаска и Хаваи сè уште не биле држави.

Хефт сметал дека владата треба да го види неговиот дизајн. Откако претседателот Двајт Ајзенхауер бил импресиониран од трудот на Боб, неговиот наставник ја променил оцената во „одлична“.

Кучињата го чувствуваат убавиот мирис преку левата ноздра

Кучињата вообичаено почнуваат да душкаат со десната ноздра, доколку мирисот може да сигнализира опасност, но кога станува збор за нешто пријатно и познато - тие веднаш се префрлаат на левата страна.

Имаме само два дела од телото кои никогаш не престануваат да растат

Човечките носеви и уши стануваат сè поголеми, дури и кога растот од остатокот на телото сосема ќе запре.

Компанијата „Мерцедес“ измисли автомобил управуван од контролен уред во вид на „џојстик“

Имено, педалите и воланот за координирање на брзината и насоката на автомобилот „Мерцедес Ф200“ од 1996 година, биле заменети со контролен уред во вид на таканаречениот „џојстик“.

Автомобилот можел да насети и на која страна седи возачот, за некој да може да го контролира и од совозачкото седиште.

Пчелите можат да летаат повисоко од Монт Еверест

Пчелите можат да летаат повисоко од 8999 метри надморска височина, што според National Geographic е повисоко од Монт Еверест, највисоката планина во светот.

Бетовен никогаш не ги владеел математичките операции множење и делење

Лудвиг ван Бетовен е несомнено еден од најголемите композитори во музичката историја.

Познатиот пијанист посетувал латинско училиште каде што научил малку математика, но никогаш не ги совладал операциите множење и делење, туку единствено научил да собира.

Косата на Нил Армстронг е продадена во 2004 година за 3.000 американски долари

Среќниот купувач, Џон Резникоф го држи Гинисовиот рекорд за најголемиот колекционер на коса на историски познати личности, а дел од неговата колекција претставува и косата на Нил Армстронг.

Мила М. | Црнобело