Добил доживотна казна затвор од црквата, неговите прсти ги чува колекционер – забавни факти за Галилео Галилеј

Галилео Галилеј е една од најзначајните личности во науката – тој е нарекуван татко на астрономијата, татко на модерната физика, татко на научниот метод, како и татко на модерната наука.

Галилео ги проучувал брзина и забрзувањето, гравитацијата, астрономијата и принципите на релативноста, а се занимавал и со применета наука и измислил неколку уреди. Накратко, Галилеј направил вистинска револуција во физиката.

Роден е во 1564 година во Италија, а починал во 1642-ра на 77-годишна возраст, зад себе оставајќи творештво кое засекогаш го промени светот во којшто живееме.

Во продолжение неколку факти кои ќе ви помогнат подобро да го запознаете Галилеј:

Не завршил факултет

Галилео го почнал образованието во манастир во близина на Фиренца и всушност сакал да стане свештеник. На неговиот татко не му се допаѓала идејата за религиозен живот, па не му дозволил да го продолжи образованието во манастирот.

На 16-годишна возраст Галилео се запишал на Универзитетот во Пиза по наредба од татко му, со цел да ја изучува медицината. Но, неговиот интерес се свртел кон математиката, па почнал да им се посветува на природните науки.

Галилео го напуштил универзитетот без да дипломира, но самиот продолжил да се занимава со математика. Тој и заработувал држејќи приватни часови по математика, пред да стане професор на Универзитетот од којшто се отпишал.

Ги демантирал теориите на најпознатите мислители

Во времето на Галилео, учењата и теориите на грчките филозофи имале најголемо влијание и скоро никој не ни помислувал да им се спротивстави. Но, не и Галилео.

Одличен пример за ова е побивањето на тврдењето на Аристотел дека потешките предмети паѓаат побрзо од полесните. Галилео сметал дека ова е погрешно и докажал дека е во право со едноставен експеримент – фрлајќи топчиња со различна тежина од Кривата кула во Пиза.

Неговите ќерки биле калуѓерки

За разлика од Галилео, неговите ќерки сепак воделе религиозен живот и биле калуѓерки.

Тој имал три ќерки со Марина Гамба – жена со која никогаш не стапил во брак.

Интересно е што иако Галилео имал многу судири со Католичката црква, останал во многу добар однос со ќерките.

Галилео имал и син кој учел медицина на Универзитетот во Пиза, изградил добра кариера и животот го поминал во Фиренца.

Продолжува на следната страница...