Сопругот криел дека е со кафеанска пејачка, баба Ванѓа ѝ ја предвидела смртта – Факти за Силвана Арменулиќ

Тома Здравковиќ целиот живот бил вљубен во неа, била во затвор за затајување данок, сопругот криел од родителите дека е во врска со неа затоа што таа била кафеанска пејачка - што знаеме за Силвана Арменулиќ, чиј лик повторно „заживеа“ со популарниот филм „Тома“?

Биографскиот филм за фолк-пејачот Тома Здравковиќ наиде на одличен одѕив кај публиката. Како кај помладите, така и кај оние повозрасните што добро се сеќаваат на ликот и делото на овој познат српски пејач.

Главен спореден лик, како во филмот, така и во вистинскиот живот на Тома Здравковиќ, е босанската пејачка Силвана Арменулиќ, односно Барјактаревиќ.

Во продолжение неколку интересни факти за неа:

Вистинското име на Силвана Аременулиќ било Зилха Барјактаревиќ и била родена на 18-ти мај 1939-та година во Добој, БиХ, денешна Република Српска, а била едно од десетте деца во нејзиното семејство.

Додека била дете, таа и нејзиниот брат Хајрудин тешко заболеле од дифтерија, што била мошне смртоносна болест во тоа време. За среќа таа оздравела, но не и нејзиниот брат, поради што нивниот татко Мехмед се свртел кон алкохолот.

Таа си отишла од домот на возраст од 16 години и заминала во Сараево кај тетка ѝ каде почнала да ја гради својата музичка кариера.

Во 1958-ма година, односно на нејзини 19 години, во Лесковац го запознала Тома Здравковиќ, со кого ќе остане блиска пријателка во текот на целиот живот.

фото: Инстаграм

На 20 години стигнала и во Белград, каде го земала уметничкото име Силвана, затоа што многу ѝ се допаѓала тогашната популарна актерка Силвана Мангано, а пријателите наводно велеле дека таа мошне наликува на неа.

Актерката Силвана Мангано

Сопругот Радмило Арменулиќ го запознала додека пеела во хотелот „Гранд“. Таа во интервјуата велела дека најмногу ја освоил со тоа што додека сите други пиеле алкохол, Радмило пиел сок од малини.

Радмило во интервјуата призна дека криел од родителите и од најблиските дека е во врска со неа, затоа што сметал дека нема да прифатат тој да биде во врска со „кафанска пејачка“. Сепак, неговите родители веднаш ја прифатиле, а му замериле што толку долго криел од нив.

Уште седум факти на следната страница...