Бившиот ја остави за посвоената ќерка, 3 деца ѝ починаа: Факти за Миа Фароу

Режисерот Вуди Ален ја остави за нејзината посвоена ќерка, а се венча со Френк Синатра кога таа имаше 21 година, а пејачот дури 50. Факти за животот на Миа Фароу.

Миа Фароу е една од актерките кои доминираа во 1960-тите и 1970-тите во Холивуд.

Можеби најпрепознатлива ѝ е улогата во култниот хорор-филм Rosemary’s Baby, а има освоено неколку филмски награди, вклучувајќи и Златен глобус.

Но, покрај нејзината плодна кариера, Миа привлекуваше и многу внимание со љубовниот живот, особено со бракот со Френк Синатра и бурната врска со Вуди Ален.

Неколку факти за животот на Миа Фароу:

Нејзините родители биле познати во Холивуд

Се чини дека на Миа Фароу ѝ било судено да стане холивудска ѕвезда.

Нејзиниот татко бил сценарист и режисер кој освоил Оскар. Нејзината мајка, пак, била позната актерка која глумела во дури шест филмови за Тарзан.

И нејзините кумови биле некои од најпознатите луѓе од златната ера на Холивуд – Џорџ Кукор се смета за најпопуларниот режисер од овој период, додека неговата сопруга, односно кумата на Миа била познатата колумнистка Лула Парсонс.

Во детството имала детска парализа

На 9-годишна возраст, Миа Фароу се заразила со полиовирусот за време на мала епидемија во Лос Анџелес.

Ова е вирусот која ја предизвикува таканаречената детска парализа и за кој денес се прима полио вакцината.

Миа поминала три недели во изолација и немала последици од болеста, но вели дека ова искуство го означило крајот на нејзиното детство.

Брат ѝ загинал во авионска несреќа

По трагичната смрт на брат ѝ Мајкл, таткото на Миа Фароу почнал да пие алкохол.

Ова создало сериозни проблеми во семејството на Миа, а татко ѝ дури и починал од алкохолизам кога актерката имала 17 години.

На почетокот ѝ било тешко да се справи со славата

Миа ја добила првата поголема улога во сапуницата Peyton Place.

И, иако нејзиниот сон бил да стане славна, подоцна има изјавено дека требало да почека пред да влезе во индустријата.

„Лошо се справив со славата. Можете да ја нарекувате славата убава, но всушност е гротескна.

Сега кога ќе видам млада личност која одеднаш станува славна, се молам за неа, за да не се изгуби“.

На 21 година се венча со 50-годишниот Френк Синатра

Миа го запознала популарниот пејач кога имала само 21 година.

Тогаш Синатра имал 50 години, но тие сепак почнале врска, а набрзо потоа и се венчале.

Две години живееле во хармонија, но на Миа ѝ здодеал животот како домаќинка, па ова ја натерало да ја прифати улогата во Rosemary’s Baby.

Наводно, на Синатра не му се допаѓало што Миа работи за друг режисер бидејќи самиот сакал да ја најми за негов филм, но и бидејќи сметал дека актерката нема потреба да работи.

Продолжува на следната страница...