Бил лекар, убил над 200 свои пациенти – Кој бил Харолд Шипман, еден од најозлогласените сериски убијци од Англија?

Маж кој работел во мртовечницата на гратчето исто така почнал да се сомнева во Харолд. Тој забележал дека бројни повозрасни пациенти кои биле со добро здравје сепак завршувале во мртовечницата откако Харолд ги „лекувал“.

Последното убиство на Харолд е она што го привлекло вниманието на надлежните – тој ја убил поранешната градоначалничка на гратчето Хајд.

Жената била најдена мртва во нејзиниот дом, а Харолд бил последниот којшто ја видел. Тој ја констатирал и причината за смртта во документите – старост.

Харолд можеби ќе се извлечел и овојпат, но се обидел да добие дел од парите на неговата жртва.

Тој направил лажел тестамент во кој не ги вклучил ќерката и внуците на жената. Наместо тоа, запишал дека жената нему му остава над 300.000 евра.

Нормално, целата ситуација ѝ била сомнителна на ќерката која пријавила во полиција, по што почнала уште една истрага за Харолд.

Обдукцијата на телото на последната жртва покажало дека во нејзиниот организам има смртоносна доза хероин. Харолд тврдел дека жената била зависник и дека тоа го пишувало и во нејзиното медицинско досие.

Но, полицијата лесно утврдила дека записите за зависноста се направени по нејзината смрт.

Во септември 1998 година, Харолд бил уапсен.

Оттаму, детективите лесно откриле дел од жртвите на Харолд – пронашле смртоносни дози хероин во нивните организми, а нашле и докази дека лекарот ги лажирал нивните медицински досиеја за да изгледа како да биле сериозно болни.

Харолд добил доживотна казна затвор за убиството на 15 негови пациенти. Надлежните се сомневале дека бројот на жртви достигнува и 250, но дел од телата биле кремирани и за многу убиства немале цврсти докази.

Лекарот до последно негирал вина, а во јануари 2004 година се обесил во неговата затворска ќелија. На денот на смртта имал 57 години.

Не е познат мотивот за самоубиството на Харолд, но според некои британски медиуми, тој сакал да ѝ обезбеди финансиска стабилност на сопругата бидејќи го изгубил правото на пензија кога заминал во затвор.

Спирова С. | Црнобело