8 секојдневни работи кои ни го празнат паричникот (а за нив има поевтина замена)

Облека за посебни пригоди

Светкави чевли, наметки од тул, свилени фустани што нема да ги облечете повеќе од еднаш или двапати – сите овие парчиња што ги купувате за посебни пригоди чинат многу, а потоа ги ставате во плакарот и никогаш повеќе не ги носите.

Дури и кога купувате „специјална облека“ избирајте нешто што ќе можете да го облечете повеќепати.

Влажни марамчиња и хартија за бришење раце

Овие производи за една употреба можеби не се скапи, но ако земете предвид колку пакувања трошите неделно или месечно, тогаш тоа се навистина многу пари.

За да бидете поекономични, купете крпи или салфетки од микрофибер кои се за повеќе употреби и кои ќе можете да ги користите 6 месеци до 1 година.

Пакувани салати или месо

Сè почесто, младите особено, купуваат пакувана храна или храна на парче – исечкани и измиени салати во кесичка, вакуумирано парче месо и слично. Салатата мора да ја ставите во чинија, да ја зачините, месото да го посолите и испечете/сварите/испржите.

Па, зошто тогаш не потрошите 5 минути повеќе и не купите салата која самите ќе ја измиете и исечкате, или поголемо парче месо кое ќе го поделите на 2-3 дела и ќе го ставите во фрижидер или замрзувач вишокот?

Чини многу поевтино, а разликата е во 5 до 10 минути подолго приготвување.

Пакувана вода

Освен ако немате проблеми со дигестивниот систем или водата во вашиот дом е со премногу бигор, зошто да купувате вода во шишиња?

Водата од чешма е одлична за пиење. А и проблемот со бигорот може да се реши со филтер, кој се менува еднаш до двапати годишно.

А. Ј. | Црнобело