Добил смртна казна на 16 години, мислел дека е 500-годишен вампир – Бизарниот случај на Род и неговиот култ со вампири

Жртвите на Род биле родителите на девојка која била дел од култот – Хедер Вендроф.

Но, според Род, тие не планирале да ги убијат родителите. Имено, Род само сакал да им го украде автомобилот и да ѝ помогне на Хедер да избега од дома бидејќи наводно родителите ја малтретирале.

На 25-ти ноември 1996 година, Род со уште еден член од култот влегол во домот на Хедер преку гаражата. Таткото на Хедер спиел, додека мајка ѝ се туширала.

Додека таткото спиел, Род го удрил неколкупати со хебла и тој умрел речиси веднаш.

Кога мајката излегла од бањата и го здогледала мртвиот сопруг, Род почнал да ја удира и неа, по што ја убил.

Додека се случувало ова, Хедер била во друга куќа со две девојки од култот.

Род и соучесникот побегнале од домот, а телата на мажот и жената ги пронашла сестрата на Хедер.

Заедно со соучесникот, Хедер и двете девојки, Род возел четири дена, пред да биде фатен во друг град.

Бидејќи останале без пари, една од девојките во култот решила да ѝ се јави на баба ѝ со надеж дека ќе им помогне.

Но, бидејќи полицијата веќе имала претстава кој стои зад убиството, бабата на девојка веднаш ги известила надлежните.

На судењето, Род ја признал вината речиси веднаш. Хедер, од друга страна, не признала дека сакала нејзините родители да бидат убиени, па била пуштена на слобода.

По признанието на Род, уште четворица од култот биле прогласени за виновни и добиле затворски казни.

Род, пак, со своите 16 години, станал најмладата личност која добила смртна казна. Сепак, потоа казната му била променета на доживотна.

Моментално тој има 42 години и се наоѓа во затвор. Пред некоја година, даде изјава со која јавно му се извини на семејството на своите жртви.

Спирова С. | Црнобело