Adidas патики, дизајнерска облека – Како да разликувате оригинали од евтини копии?

Dior Lady D чанта

Оваа чанта го носи своето име со причина – првиот модел бил направен за принцезата Дијана, која ја носела речиси на сите важни настани. Затоа важи за еден од најпопуларните модни аксесоари, но лошата страна е што има и голем број копии.

Оригиналната чанта е направена од вкупно 130 парчиња јагнешка кожа и биле потребни околу 8 часа за да се изработи. Рабовите на чантата треба да бидат рамномерни и уредни.

Копиите најлесно можете да ги детектирате според рачките кои „шетаат“ од страна во страна, додека кај оригиналот се цврсти и структурирани.

Burberry шал

Оригиналниот шал секогаш има точно дефинирани линии и рамна текстура.

Ресите треба да бидат добро извиткани и со рамномерно растојание меѓу нив и да не се распаѓаат при допир.

Името на брендот е напишано со големи букви и на етикетата има информации за земјата на производство и материјалите од кои е изработен шалот.

Скапи часовници

Скапите часовници најчесто имаат добри механизми, па затоа работат потивко (речиси нечујно). Ако го доближите часовникот до увото и слушнете како отчукува гласно, тогаш многу веројатно станува копија.

Гравурите на часовниците често се изострени и оригиналите се потешки затоа што се изработени од поскапи и потешки материјали од копиите.

The North Face јакна

Секоја буква од логото е извезена посебно и не треба да има конци меѓу нив.

Патентот мора да ги има буквите YYK и на копчињата треба да го има логото на брендот во форма на три свиткани линии.

Во внатрешноста на јакната има етикети со холограм што потврдува дека јакната е оригинал. Ако нема холограм тогаш треба да знаете дека купувате копија.

Adidas патики

Погледнете ги убаво линиите на логото на задниот дел од патиките. Растојанието помеѓу линиите кај оригиналните патики секогаш е еднакво, додека тоа не е случај кај евтините оригинали.

Исто така, погледнете ја изработката на рабовите. Кај оригиналните патики конецот е што е можно поблиску до работ на патиката и растојанието меѓу рабовите е еднакво.

Последен и најчест показател е ако ги свртите патиките и погледнете на ѓонот. Кај оригиналите, бројот на патиката го нема на ѓонот, а ако забележите таква ознака тогаш најверојатно станува збор за копија.

Б. С. Б. | Црнобело