Застарени (женски) навики што ги научивме од мајките и бабите и треба да ги заборавиме

Најдобро е да ја чуваме старата облека (за секој случај)

Ако ја имате оваа навика, запрашајте се колку парчиња облека во гардероберот не сте ги облекле повеќе од една година.

Облеката која не ви е точна, веќе не е во мода, е отштетна или повеќе не е во ваш стил е облека што никогаш нема да ја облечете.

Па, доколу не е оштетена, донирајте ја. Доколку е неупотреблива, фрлете ја.

Мора да пеглате сè

Некои баби и мајки имаат навика да пеглаат буквално сè, вклучувајќи долна облека, постелнина, па и чорапи.

Денес ретко кој има време да помине цел ден во пеглање, па немојте да се чувствувате лошо ако ги пеглате само оние парчиња за кои пеглањето е неопходно.

Тетоважите се само за млади

Обично повозрасните веруваат дека секоја драстична промена во изгледот по одредена возраст е необична. Слично мислење постои и за тетоважите.

Но, не треба да дозволите ова застарено верување да има влијание врз вас.

Ако сакате тетоважа, направете си, без разлика дали имате 20, 60 или повеќе години.

За посебни пригоди треба да се купува нова облека

Веројатно имате барем едно парче облека, како свечен фустан, кој сте го купиле за свадба или нешто слично, а сте го облекле само еднаш.

Обично ова се парчиња што ги плаќаме многу скапо и на крај само „фаќаат прашина“ во гардероберот.

Во ред е да купите нешто ново за некоја посебна пригода, но осигурете се дека ќе биде облека што ќе ја носите и другпат.

Истовремено, не заборавајте дека сосема во ред е да облечете и облека што веќе ја имате.

Спирова С. | Црнобело