Како да препознаете дали облеката што ја купувате е квалитетна (без разлика на цената)?

Проверка со влажни марамчиња

Чест проблем кај неквалитетните фармерки е тоа што испуштаат боја. А, покрај тоа што може да ви ги обојат нозете, може да ви ја уништат и облеката што ја перете со нив.

Кога фармерките пуштаат боја, тоа значи и дека ќе избледат многу брзо.

За да проверите дали станува збор за квалитетен пар, поминете по фармерките со влажно марамче. Ако на марамчето остане боја, подобро купете друг модел.

Проверете ги патентите и копчињата

Патенти кои заглавуваат, копчиња кои се кршат лесно – сето ова укажува на облека со лош квалитет.

Патентот на облеката секогаш треба да се закопчува лесно. Покрај тоа, кога станува збор за поелегантни парчиња, патентот обично е потполно скриен.

Кога станува збор за копчиња, најдобро е да се избегнуваат пластичните.

Доколку сепак сакате да купите нешто со пластични копчиња, осигурете се дека се дебели и дека нема да се скршат.

Обрнете внимание на мирисот

Сигурно сте забележале дека кога ќе купите некоја облека, мириса непријатно, како некое хемиско средство.

Ако облеката мириса навистина лошо, тогаш најверојатно е изработена од неквалитетни, синтетички материјали.

Проверете ги шевовите

Кај фармерките, шевовите на ногавиците секогаш треба да бидат прави.

Односно, кога ќе ги облечете, шевовите не треба да се искривуваат кон напред или назад, туку да „легнат“ по страната на ногата.

Спирова С. | Црнобело