Вежби за мозокот со кои ќе го намалите ризикот од деменција

Играњето шах бара стратешко планирање и задржување на вниманието, при што ќе ви обезбеди сеопфатен ментален тренинг на целиот мозок. Добро е што можете да играјте шах и онлајн, при што слободното време може да го искористите за оваа ментална вежба. 

Исто како и нашите мускули, и мозокот треба да го тренираме и тоа секојдневно. Стресот, стареењето, неквалитетниот сон или нездравиот начин на живот на долг рок може негативно да влијаат на меморијата, вештините за решавање проблеми и целокупната когнитивна функција.

Затоа, важно е да вклучите вежби кои ќе ви помогнат на вашиот мозок да остане фокусиран и притоа со текот на времето да го намалите ризикот од деменција.

Неколку вежби што би требало да ги практикувате што е можно почесто:

Учење нов јазик

Учењето нов јазик може да ги подобри когнитивните функции и меморијата и да ги зајакне вештините за решавање проблеми.

Најлесно, за почеток може да почнете да користите апликации за учење или онлајн курсеви.

Активно читање и фаќање белешки

Кога читате, имајте навика да запишувате некои клучни точки, зашто со овој метод може да го изострите фокусот и да ја подобрите меморијата.

Играјте шах

Играњето шах бара стратешко планирање и задржување на вниманието, при што ќе ви обезбеди сеопфатен ментален тренинг на целиот мозок.

Добро е што можете да играјте шах и онлајн, па слободното време може да го искористите за оваа ментална вежба.

Решавање крстозбори

Крстозборите ќе ви помогнат да ја стимулирате вашата меморија, да го подобрите решавањето проблеми и да  стекнете општи знаења.

Учење нови вештини

Мозокот напредува со учење и размислување. Затоа, најдете време за стекнување нови вештини или хобија за кои имате страст, но не преоптеретувајте го мозокот со премногу области.

Играјте игри со карти

Играњето игри со карти може да ги подобри меморијата и вештините за размислување. Постојат многу игри за кои може да се одлучите и да го искористите слободното време.

Научете некој друг на некоја нова вештина

Откако ќе научите нова вештина, треба да ја вежбате. Ако го покажете тоа на некој друг, треба да го објасните концептот и да ги поправите сите грешки што ги правите.

Медитирајте

Секојдневната медитација може да го смири вашето тело, да го забави дишењето и да ги намали стресот и анксиозноста.

Но, дали знаевте дека исто така може да ја зголеми способноста на вашиот мозок да ги обработува информациите? Најдете мирно место, затворете ги очите и медитирајте барем пет минути дневно.

М. Ѓ | Црнобело / фото: freepik.com