Трикови што ги користат крадците и измамниците низ популарните европски дестинации

Лажни питачи, улични изведувачи – измамниците и крадците низ европските градови користат многу трикови за кои е добро да бидете свесни.

Крадците низ популарните европски градови стануваат сè покреативни.

Дури и ако мислите дека вие не би паднале на нивните замки, не заборавајте дека е лесно да ви го одвлечат вниманието кога сте возбудени од патувањето.

Дел од триковите на измамниците што ги забележале туристите низ Европа:

Трик со белегзија

Во Париз, Рим и Барселона има измамници кои врзуваат белегзии на раката на туристите.

Некогаш бараат пари, а некогаш, додека им зборуваат и им кажуваат дека белегзијата е бесплатна, други пробуваат да украдат паричник и слично.

Продавачи на рози

Повторно во Париз, Рим и Барселона, има продавачи на рози кои не ограбуваат, но можат да настапат агресивно.

Обично им пристапуваат на парови и инсистираат момчето да купи роза, а ако не купи, почнуваат на глас да викаат дека е лош дечко.

Улични изведувачи

Во Париз и Лондон се забележани измамници меѓу толпите туристи кои застанале да гледаат некој уличен изведувач.

Обично тој покажува некои трикови и додека сите се фокусирани, крадците ограбуваат во толпата.

Не значи дека сите улични изведувачи се зад оваа шема, но на вакви места, со гужва, препорачливо е да бидете повнимателни.

Трик со паричник

Во Рим има крадци кои фрлаат паричник во близина на туристи.

Доста често, туристите може да помислат дека ним им паднал паричникот, па ќе го допрат местото каде што им стои за да проверат дали е таму.

А, со ова им покажуваат на крадците каде го чуваат.

Продолжува на следната страница...