Детали од секојдневието на Французите што ги бунат туристите

Слично како нас, Французите се поздравуваат кога влегуваат во пекара или во лифт со сосед, но тие имаат навика да се поздравуваат со сите луѓе што ги сретнуваат, без разлика дали ги познаваат или не.

Франција е земја која нè асоцира на романтика, вино и вкусна храна, но оваа држава нуди многу повеќе од тоа.

Начинот на живот на Французите главно не се разликува премногу од нашиот, но во нивното секојдневие постојат ситници кои нам би ни биле чудни.

Работи што ги прават Французите, а ги зачудуваат туристите:

Некои продавници не работат во текот на летото

Во градовите кои не се многу посетувани од туристи, повеќето сопственици на локални продавници не работат во одреден период од летото.

Најчесто ова е во текот на месец август, кога скоро сите локалци се на одмор.

Па, и сопствениците го користат овој период за одмор и ги затвораат нивните продавници бидејќи знаат дека ќе немаат некој голем профит.

Сакаат да пијат кафе од големи шолји

Наутро, Французите пијат кафе (најчесто еспресо) со многу млеко, и тоа од огромни шолји кои наликуваат на длабоки чинии.

Повеќето имаат навика да макаат со кроасан или слично печиво во кафето, па затоа и преферираат големи шолји.

Се поздравуваат и со луѓе кои не ги познаваат

Французите имаат навика да ги поздравуваат луѓето кои не ги познаваат.

Ги поздравуваат возачот на автобус, касиерите во маркет, луѓето кои чекаат со нив во ординација, луѓето со кои се разминуваат, во лифт…

Во некои ситуации и ние ја имаме истата навика, но Французите дефинитивно одат чекор подалеку.

Низ државата има многу кружни текови

Франција е земјата со најмногу кружни текови – околу 43.000.

За Французите ова не претставува никаков проблем, но за туристите кои немаат навика да возат на кружен тек, сообраќајот може да биде навистина збунувачки.

Продолжува на следната страница...