Како да откриете дали купувате оригинал или ви продаваат копија од познатите брендови?

Патики Converse

Компанијата во своето лого, освен зборот Converse All Star и петокраката, има и мала ѕвездичка со шест крака.

Ако оваа мала ѕвездичка ја нема на патиките што ги купувате, тогаш не се оригинални.

Часовници Tissot

Ќе знаете дека купувате оригинал од овој популарен бренд ако на навртката е испечатена буквата „Т“.

Ако ја нема оваа буква или ако е залепена одозгора, тогаш станува збор за копија.

Патики Adidas

Овој бренд е толку популарен, што сигурно честопати сте наишле на копија.

За да бидете сигурни дека купувате оригинал, проверете го јазичето на патиката - во внатрешноста треба да има мала етикета на која ги пишува генералиите за патиките, производителот и QR код.

Тоалетна вода Lacoste Blanc

Иако двете шишиња на прв поглед делуваат исто, сепак едното е оригинал, а другото не.

За да ги распознавате, барајте ја „грешката“ во распрскувачот на спрејот.

Кај оригиналот, пластичниот распрскувач е во сива боја, додека кај копиите, тој е бел.

А. Ј. | Црнобело