Рерна за луѓе, лоботомија, лекови со кокаин: Медицината во минатото била како од хорор-филм

Во 20-тиот век, шизофренијата се третирала со таканаречена инсулинска шок-терапија – на пациентите им давале огромна доза инсулин со цел да се индуцира кома за која се верувало дека ќе им го „ресетира“ мозокот и ќе ги излечи.

Колку и да го критикуваме здравството и сè поврзано со него, треба да сме благодарни што живееме во период кога медицината напреднала значително.

Бидејќи, пред само еден век, медицинските помагала биле како од хорор-филм.

Технологијата не била развиена како денес, не биле откриени многу работи, па терапиите и третманите неретко повеќе правеле штета отколку што помагале.

Лекови и медицински помагала од минатото поради кои ќе бидете благодарни за модерната медицина:

Лекот талидомид

Иако се користи и денес со строга контрола од лекар, кога првпат се појавил на пазарот, луѓето не биле свесни за несаканите ефекти од лекот талидомид (thalidomide).

Првпат се појавил на пазарот во 1957 година, како лек за анксиозност, проблеми со спиењето, напнатост, па и утринска мачнина.

Бидејќи помагал при утринска мачнина, лекарите почнале да го препишуваат лекот на бремени жени, несвесни дека со тоа стануваат дел од една од најголемите медицински катастрофи.

Лекот бил достапен во 46 земји, а над 10.000 жени кои го пиеле за време на бременоста родиле деца со сериозни деформитети. Биле забележани и илјадници случаи на спонтани абортуси од страна на лекот.

До 1961 година станало јасно дека лекот воопшто не е погоден за бремени жени и извесен период бил тргнат од употреба.

По оваа катастрофа, многу земји воведа построги тестови и правила за лиценцирање лекови.

Денес лекот талидомид се користи за некои видови рак, како и за симптоми на лепра, но, секако, во контролирани услови и со надзор од лекар.

Инструмент за „димна клизма“

Ова е дефинитивно еден од побизарните инструменти кој се користел за таканаречена „димна клизма“ или „клизма со чад“.

Во 18-тиот век, се верувало дека со овој инструмент може да се спасат луѓе кои се удавиле, односно вдишале вода.

Со помош на инструментот, во ректумот на удавената личност се дувал чад од тутун бидејќи се верувало дека може да ја врати во живот.

За среќа, уште во 19-тиот век, инструментот престанал да се користи бидејќи не бил ефикасен, а и бидејќи почнало да се воочува дека никотинот не е соодветна состојка за лек.

Лек против забоболка со кокаин

Пред да се истражат неговите токсични својства, луѓето верувале дека кокаинот е лековит.

Па, лековите со кокаин не биле нешто невообичаено и се користеле за многу здраствени проблеми, вклучително и ментални заболувања.

На фотката подолу се гледа реклама за лек против забоболка кој содржи кокаин.

Лекот бил промовиран со тврдењето дека веднаш ја намалува болката поради својствата на кокаинот и можел да си го купи кој било.

Продолжува на следната страница...