Рерна за луѓе, лоботомија, лекови со кокаин: Медицината во минатото била како од хорор-филм

„Човечка рерна“

Таканаречената „човечка рерна“ се користел во викторијанската ера за третирање разни заболувања, но најчесто проблеми со зглобовите, како ревматизам.

Пациентите легнувале во „рерната“, така што им била откриена само главата.

Потоа, со помош на рерната, останатиот дел од телото бил загревано на висока температура, некогаш и над 200 степени Целзиусови.

Лекарите верувале дека високата температура може да ги намали болките, додека пациентите опишувале дека се чувствуваат како да се печени живи.

Лоботомија

Лоботомијата била огромен хит во 1940-тите и 1950-тите, а се користела за секакви ментални нарушувања.

Ова е процедура со која се отстрануваат конекциите на префронталниот кортекс на мозокот, со што се верувало дека состојбата на пациентот ќе се подобри.

Но, најчесто, пациентите завршувале со оштетени когнитивни способности и целосна промена на нивниот карактер.

Што значи, можеби биле „излечени“ од менталното заболување, но веќе не биле истата личност и неретко не биле способни да се грижат сами за себе.

До 1970-тите, бројни држави ја забранија процедурата, а денес се гледа како една од поголемите дамки во историјата на психијатријата.

Инсулинска шок-терапија

Таканаречената инсулинска шок-терапија се користела за третирање шизофренија во 20-тиот век.

На пациентите им била давана огромна доза инсулин, со цел да се индуцира хипогликемична кома. Се верувало дека комата ќе го „ресетира“ мозокот и ќе го излечи пациентот.

Потоа пациентот бил буден со голема доза гликоза.

Како и за повеќето третмани на листава, немало докази терапијата е ефикасна, па до 1960-тите престанала да се применува.

Спирова С. | Црнобело