„Трипати ја измамив смртта – преживеав труење со гас, цунами и несреќа со сурфање, не знам како сум жива“

Сула од Англија, која денес живее на Ибица, во детството речиси го загубила животот поради труење со јаглероден моноксид. Кога, пак, во 2004-та со семејството биле во Шри Ланка, преживеале цунами кое убило над 31.000 луѓе. Последната блиска средба со смртта ѝ бил пред само две години, кога речиси загинала во несреќа со сурфање.

Повеќето луѓе не искусуваат „блиска средба со смртта“ во инциденти како сообраќајки. Оние, пак, кои сепак ќе се најдат во ваква ситуација се енормно среќни што преживеале и не ни сакаат уште еднаш да им се случи нешто такво.

Но, Сула Деметриу од Англија преживеала низа вакви несреќи, па сега вели:

„Искрено, не знам уште колку животи ми остануваат“.

46-годишната Сула, која денес живее на Ибица, вели дека овие искуства ѝ оставиле траума.

„Имав навистина многу трауматични искуства во мојот живот. Сето ова ми е како хорор-филм кој постојано го гледам во мислите“, раскажува таа за The Sun.

Додека била дете, целото семејство на Сула речиси загинало од труење со јаглероден моноксид.

Тогаш Сула имала 11 години, а најпрво нејзината сестра почнала да има напади. По само неколку часа, мајка ѝ доживеала привремена парализа, а самата Сула била дезориентирана и имала силни главоболки.

Кога отишле во болница, лекарите се чуделе како е воопшто живи.

„Во нашиот дом во Англија со месеци, а можеби и со години сите имавме некакви проблеми со здравјето, како многу силни главоболки.

Една од моите сестри беше хоспитализирана бидејќи се онесвестуваше, а другата сестра, која беше бебе, почна да добива напади. Секогаш ѝ се јавуваа рано наутро, па лекарите се прашуваа дали има епилепсија.

Мајка ми и татко ми неколкупати ја носеа на лекар и по некое време ги замолија лекарите да тестираат за труење со јаглероден моноксид“.

Тогаш не можеле да ѝ го направат тестот, но кога целото семејство почнало да покажува симптоми, на лекарите им станало јасно што се случува.

Продолжува на следната страница...