Еспресо и Coca-Cola ќе ве молам: Што кажува за вас изборот на кафе?

Според некои истражувања, дури 80% од луѓето консумираат кафе. Кафето е ритуал за добро утро, пауза на работа, разговор со пријателката, причина за несоница... Кафето го пиеме во било кој дел од денот.

Токму изборот на кафето може да каже многу за вас и вашиот карактер:

Оние кои пијат еспресо се оригинални

Луѓето кои пијат кратко еспресо се амбициозни и педантни, секогаш во брзање. Тие се луѓе со став, кои знаат што сакаат. Оние кои го сакаат еспресото, ретко порачуваат друго кафе.

Макијато пијат луѓето кои сакаат сигурност

Оние кои пијат макијато, знаат понекогаш да одберат и еспресо или нескафе. Овие луѓе не сакаат многу промени, ниту да преземаат ризици. Според некои истражувања, жените почесто пијат макијато, додека мажите повеќе го преферираат еспресото.

Нескафето го одбираат авантуристите

Ова кафе е редовен придружник на оние кои често патуваат и кои кафето го пијат за да уживаат во него, а не поради потреба за кофеин. Интересна комбинација е нескафе со алкохол, најчесто вотка или рум, наменета само за најхрабрите, егзотичните и уметничките души.

Капучиното го пијат луѓето кои сакаат ризици

Овие луѓе сакаат промени и неретко го менуваат изборот на кафе. Овие луѓе се лежерни и весели, секогаш подготвени за разговор. Интересно е што дури 85% од луѓето кои одбираат капучино се жени.

Турското кафе е секогаш присутно во домашните атмосфери

Оние кои пијат исклучиво турско кафе, се страсни љубители на кафе и го обожаваат неговиот мирис рано наутро.

Н. Т. | Црнобело