Запознајте ги корејските бабички - „сирени“

Островот Јеџу во Јужна Кореја е познат по тоа што авионската рута Јеџу - Сеул е една од најпрометните рути во светот. Но, овој остров е познат и по нешто друго, неговите „морски дами“.

Миџо Ким, фотограф од Њујорк решил да го прикаже животот на овие храбри дами во интимна серија фотографии именувани како „Мајка на морето“.

Овие постари дами локално се познати како „Haenyeo“ и пливаат на длабочини од 20 метри до океанското дно за да собираат морски полжави, ежови, морски краставици и лигњи.

Тоа го прават без да употребуваат кислородни боци и понекогаш можат да издржат и до 2 минути без воздух во екстремно студените води.

Повеќето од нив имаат над 70 години, а нивниот број од година во година се намалува, бидејќи многу млади девојки кои треба да ја продолжат традицијата заминуваат во поголемите градови да живеат.

„Овие жени нуркачи го продолжуваат корејското наследство и ќе бидат последни од својот вид. Тие се последните Haenyeo“ - вели фотографот.

„Да се биде Haenyeo не е за слабите. Старите Корејци велат дека овие жени ја завршуваат работата на мртвите во светот на живите“ - вели една од локалните храбри жени кои се држат до оваа традиција.

• 
• 
• 
• 
• 
• 
• 
• 
• 
• 
• 
•  

Н. Г. | Црнобело