Исповеди на 4 луѓе: „Зошто одлучив да ја откажам свадбата?“

„Се препотував во деновите пред свадбата, не можев да спијам, сфатив дека не ја сакам, сфатив дека не сакам живот со неа...“

Ужасно е да разочараш некого и да го оставиш денови пред свадбата, но некои луѓе го прават тоа. Зошто?

Поради помислата дека е уште поужасно целиот живот да бидеш мизерен и да направиш да се чувствува и другиот мизерно само затоа што си немал храброст да се повлечеш кога си почувствувал дека тука повеќе нема љубов.

Исповеди на луѓе:

„Сфатив дека не можам“

Денови пред свадбата сфатив дека не можам. Се смрзнував од самата помисла да облечам венчаница. Сфатив дека не го сакам, туку само копнеам за сигурноста, која ќе ми ја донесе бракот. Бев млада и исплашена. Откажав сè. Тој потоа си најде жена што навистина го сака. Среќен е сега.

„Сфатив дека не ја сакам“

Бевме дел од исто друштво. Сите мислеа дека е кул што сме заедно. Кога работите станаа реални сфатив дека не се гледам до крајот на животот со неа, ставив точка, иако сè беше подготвено за свадба. Всушност, ми беше другарка, не чувствував страст за неа.

„Се препотував, премлад бев за тоа“

Ноќта пред свадбата се препотував, не можев да спијам, бев премлад да се женам. Чувствував гушење и собрав храброст да откажам. Потоа појдов сам на долго авантуристичко патување. Морав да си го рехабилитрам духот. Повеќе не бев вистинскиот јас, бев проектот што таа го направи од мене.

„Запознав друг пред свадбата“

Бевме долги години заедно, сонував за раскошна свадба во фустан на принцеза. Мислев дека тоа е следниот логичен чекор. Немавме веќе теми за разговор и здодевно ни беше заедно, но мислев дека така е кај сите, дека сме остареле, односно пораснале. Но, еден месец пред свадбата сретнав маж кој не можев да го извадам од умот. Сакаше кампување, сакаше планинарење, сакаше сè што сакам јас. А јас? Јас веднаш посакав живот со него.

С. С. | Црнобело