Што кажува вашата омилена брза храна за вашиот карактер?

Изборот на брза храна, грицки и десерти кажува многу повеќе за вашата личност отколку што верувате. Кој е вашиот избор?

Благо, солено, крцкаво, пржено, со сосови... секој од нас си има одредена храна која ја обожава, дури и кога сме свесни дека тоа и не е многу здраво за нас.

Изборот на омиленото вкусно задоволство може да зависи од моменталното расположение, но и од вашиот карактер.

Проверете дали е тоа навистина така:

Крофни

Слатко тесто кое може да биде празно, полнето со чоколаден крем, со џем, прелиено со глазура, шеќерни трошки или шеќер во прав. Ако ова е вашиот избор, вие сте пријателски настроена личност која умее да се смее од срце дури и кога ѝ е најтешко.

Пуканки

Пуканките покажуваат дека сте флексибилна личност која лесно може да се прилагоди во секоја нова ситуација, без разлика дали се работи за солени, чоколадни, со путер или со карамел.

Чипс

Љубителите на чипсот од компир играат на сигурно и се личности од доверба. Многу ги ценат врските кои ги создаваат со луѓето. Колку и да пробуваат други грицки, секогаш му се враќаат на безвременскиот солен чипс од компир.

Орео колачиња

Доколку сте љубители на чоколадни бисквитни колачиња лепени со млечен крем, вие сте личност која без разлика на возраста, го негува својот млад дух. Исто како и колачето, овие луѓе можеби изгледаат како тврд орев, но нивниот карактер е вистинско богатство за пријателите.

Начо чипс

Начо чипсот е избор на луѓе кои сакаат да ги тесираат своите граници и кои не се плашат да експериментираат, било да е тоа со нови избори или со некој нов сос за чипсот. Ако дознаат нов рецепт, сигурно ќе го пробаат, а ќе дадат шанса на секоја нова личност која ќе ја запознаат.

Е. Д. | Црнобело