Традиции за Бадник: Што треба да има на трпезата?

Бадниковата вечер е еден од најрадосните празници во христијанството, кога се исчекува раѓањето на Исус Христос.

Тогаш во домот се внесува бадниково гранче, кое симболизира здравје, радост и изобилие.

А, што би требало да биде послужено на трпезата? Какви се традициите кои се пренесуваат од колено на колено?

1. На Бадник, појадокот, ручекот и вечерата се строго посни.

2. Се меси погача без квасец.

3. На масата задолжително има вино, мед и жито.

4. За вечера се подготвува посен грав, пржена риба, посни сарми, а од салатите, тука е киселата зелка и туршија.

5. Исто така, за десерт може да се послужи свежо или суво овошје: крушки, јаболка, портокали, суви сливи, урми, смокви, суво грозје, како и јаткасти плодови.

6. Според старите традиции, задолжително се вечера на под, на послана слама, а не на маса, како што сите практикуваме.

7. Домаќинот ја крши погачата, нудејќи им на сите по едно парче и наздравувајќи со црно вино.

8. На крајот, бадниковата вечера не се раскрева. Масата не се чисти, туку се остава наместена како што е до следниот ден, односно до Божиќ.

М. Д. | Црнобело