Селфи зглоб - болест на новата генерација, која ја има и Ким Кардашијан

Сте слушнале за терминот „тениски лакт“, болест која е дијагностицирана кон крајот на 19-от век, именувана според тенисерите кај кои често се појавувала. 

Денес, два века подоцна, имаме нова болест наречена „селфи зглоб“, именувана на сличен начин (дијагностицирана кај луѓе кои често сликаат селфија).

Колку и да звучи ова чудно, доколку им веруваме на докторите од САД, оваа болест постои, а многумина не знаат за неа.

Што е селфи зглоб?

Како што објаснува д-р Леви Харисон, селфи зглоб е еден вид  на т.н. синдром на карпален тунел, во кој нервите помеѓу подлактицата и дланката се воспалени.

Ова може да биде случај, меѓу другото, кога рачниот зглоб е премногу свиткан навнатре, што се случува при сликањето на селфија. Потоа раката почнува да трне, се јавува болка и чувство на мртвило.

Овие симптоми се карактеристични за карпалниот тунел, така што овие две дијагнози се тесно поврзани.

Д-р Леви забележува дека бројот на луѓето кои страдаат од оваа болест може да се зголеми, со оглед дека овој тренд е многу популарен, особено кај помладата популација.

Оваа болест се здоби со популарност откако Ким Кардашијан изјави дека ѝ е дијагностициран селфи зглоб.

Опасноста од овој синдром може да се намали со употреба на селфи стаповите или со вежби за зглобовите. Иако оваа болест е безопасна, опсесивната потреба за снимање на секој „магичен момент" може да има и лоши последици.

Научниците од индискиот институт за медицински науки во Њу Делхи објавија дека „250 луѓе починале правејќи селфи слики“.

Најголем број на несреќи се случиле во Индија, Русија и САД. Авторите на студијата „селфи смртоносни несреќи“ препорачуваат секое опасно туристичко одморалиште да има натпис во кој ќе се забранува фотографирањето.

 Ашера | Црнобело