Наивни, разумни или незадоволни: Обликот на лицето и цртите ја откриваат личноста

Физиогномија е стара вештина се користела за карактеризирање на луѓето. Нејзината практична примена за прв пат ја опишува Аристотел. 

Луѓето кои се занимавале со оваа техника ја имале сличната судбина со хиромантите (гледање на дланка), некаде биле фалени и поддржани, а некаде прогонувани и осудувани.

Првите физиогномисти ги споредуваа човечките и животинските лица, а карактерот на луѓето го толкуваа врз основа на нивните сличности.

Кинеските физиогномисти отидоа чекор подалеку. Одредените линии на човечкото лице го анализираа и дешифрираа со помош на планетите, ѕвездите, планински масиви...

Како да го толкувате лицето?

Прво погледнете ги внимателно формите на лицата на сликата. Линиите кои први ќе ги забележите ќе бидат важни за донесувањето на заклучокот.

Тркалезно лице: Се работи за пријатна, друштвена и доверлива личност на која секогаш можете да се потпрете. Луѓето со тркалезното лице го почитуваат нивното пријателство со другите луѓе. Достојни се, одговорни, а во исто време знаат да се опуштат и да уживаат во животот.

Лице во облик на срце: Оваа форма ја имаат луѓето со одлична меморија. Најчесто се интелектуалци, а нивната маана е непредвидливост. Секогаш си поставуваат конкретна цел и се многу незадоволни ако не ја остварат. Остроумни се и тешко се менуваат.

Правоаголно или четвртасто лице: Го имаат луѓе со силна волја и физичка подготвеност. Овие луѓе обично поседуваат вродени таленти. Практични се и активни. Не ги менуваат лесно своите ставови.

Тркалезно-триаголно лице (комбинација): Овие луѓе го комбинираат разумот, интелектот, и мудроста. Бистри се, но не доволно проникливи. Полни се со оптимизам и ги разбират чувствата на другите луѓе.

Триаголно - квадратно лице (комбинација): Ова се сестрани луѓе кои брзо мислат. Полни се со идеи преку кои дејствуваат. Добро е да ги имате за деловни партнери и за пријатели.

Квадратно – тркалезно лице (комбинација): Оваа комбинација открива активна и вредна личност. Оптимисти се, но и помалку себични. Често им се важни само сопствените интереси. Најголемата маана им е тврдоглавост.

Чело

Високо - открива интелектуален тип.

Високо и широко - го поседуваат филозофи, мислители.

Високо и тесно - луѓе склони кон анализа.

Ниско - открива практична и непосредна личност.

Веѓи

Составени – стабилни луѓе, исполнети со трпеливост и внатрешна енергија.

Раздвоени - луѓе подготвени да се прилагодат и луѓе подложни на влијанието на другите.

Подигнати - симболизира аспирација кон високи цели, амбиции.

Спуштени - знак на каприциозност, незадоволство и лутина.

Рамни - лицето кое ги има е многу активно и претпазливо.

Силни, широки веѓи – директни личности со силен темперамент.

Очи

Тркалезни - откриваат наивна и доверлива личност.

Овални - знак на лукавост и благонаклоност.

Коси - откриваат мистериозна, нарцисоидна и многу самоуверена личност.

Стеснети - откриваат прониклива и суптилна личност.

Разделени - знак на несебичност.

Усни

Големи - дарежлива, несебична личност со тенденција кон екстраваганција.

Мали - себични, посесивни луѓе.

Крупни, полни усни - сензуалност.

Тенки усни (тесни) – ладна личност, речиси без емоции.

Закривени - способност за самоконтрола.

Прави (гледано од профилот) - присуство на самоконтрола, анализа и воздржаност.

Ашера | Црнобело