Најинтересните музеи за играчки во светот

Играчките постојат во секоја култура, а како такви се едни од најстарите артефакти. Тие се инспирација за многу дела во литературата, филмот, сликарството и музиката, како „Пинокио“, „Оревокршачка“, „Приказна за играчките“ и „Трансформери“…

Музеите на играчките ги чуваат спомените на овие безгрижни моменти од детството, како и заборавените играчки. Ја прикажуваат историјата, производството и начините за користење на старите, антички играчки.

Во овие музеи можат да се најдат многу различни играчки, од примитивни играчки до технолошки и современи пронајдоци, разни кукли, друштвени игри, автомобили, едукативни играчки, сложувалки.

Листа на најубавите музеи на играчки музеи во светот кои ќе ве вратат во некое друго време:

Музеј на играчки во Сергијев Посад

Главната атракција на овој музеј се бабушките. Токму тука е роден концептот за нив, а овој град долго време бил главен руски производител на играчки. Иако денес се сметаат за сувенири, бабушките биле создадени како играчки за најмладите. Тие им помагале на децата да ги развијат своите вештини.

Музејот за играчки во Сергијев Посад го покажува развојот на бабушките, од првите примероци до масовното производство. Тука се наоѓа и прва направена бабушка.

Музејот на детството

Овој интересен музеј, кој се наоѓа во Единбург, Шкотска, бил првиот музеј кој се специјализирал за историјата на играчките. Во музејот можат да се видат играчки од 18-ти до 21-ви век. Покрај играчките се изложени и детски книги, облека и соодветни фотографии од тој период.

Овој објект годишно го посетуваат 250.000 луѓе, а влезот е бесплатен.

Национален музеј на играчки и минијатури во Канзас

Музејската колекција брои околу 300.000 предмети. Овој музеј има и тематски колекции, како на пример онаа посветена на „Волшебникот од Оз“, односно на играчките поврзани со филмот (и книгата).

Музеј на играчки во Нирнберг

Во времето на индустриската револуција во Нирнберг постоеле многу фабрики за играчки. Соодветно на тоа, овој музеј е еден од најпознатите музеи од овој тип во светот. Во него има играчки од древната ера до денес.

Меѓународен музеј на хобија и играчки во Хонг Конг

Колекцијата на играчките во овој музеј е насочена кон популарната култура и играчки кои се познати насекаде низ светот, како што се акциски фигури, ликови од цртани филмови, аниме, модели на ракети итн.

Овој музеј е идеален за љубителите на стриповите, суперхероите и акциските херои.

Ашера | Црнобело