Зошто сме помалку љубезни во урбаните средини?

Сирени на автомобили, врескање, навреди, гестови, бесни изрази на лицето…Ви звучи познато? Ова е сценарио на секој голем град во кој улиците се преполни со луѓе кои постојано некаде брзаат. Колку повеќе луѓе има околу нас, толку повеќе се трудиме да ги избегнеме. Но зошто избегнуваме туѓи погледи и поздрави, зошто не сакаме да им помогнеме на странците на улицата? Зошто сме помалку љубезни во урбаните средини? Науката вели дека одговорот на ова прашање можеме да го пронајдеме во нашите мозоци.

Кога излегуваме на улица нашиот мозок станува повеќе свесен за заканите што нè опкружуваат. Постојано сме претпазливи за можните закани што нè опкружуваат. Се работи за нашиот механизам за одбрана кој ни овозможува да го „преживееме“патот кон дестинацијата.

Ако градскиот живот нè прави да изгледаме нељубезно, животот во руралните средини може да изгледа сосема поинакво. Во мала средина луѓето се познаваат и не постои големо чувство на опасност.

Регионите во мозокот, кои се одговорни за предупредување од опасност, се помалку активни. Таа поврзаност со сè што нè опкружува се губи во градовите и околините преплавени со луѓе.

Но и во малите места можете да се чувствувате обесхрабрено, особено кога луѓето не ве познаваат. Прагот на толеранција не е толку висок во градовите, бидејќи луѓето немаат навика да стапат во контакт со другите, а истото се случува и во селата.

Дополнителна причина зошто се однесуваме поагресивно во градовите е што се обидуваме да ги имитираме другите. Кога сме во големиот град, опкружени со толпа луѓе, ги имитираме другите во потрага по соодветна форма на однесување.

Она што обично го гледаме околу нас е одбранбениот став на поединците кои избегнуваат контакт со очи, затоа возвраќаме на ист начин.

Влеговме во еден маѓепсан круг на однесување, на непријателски обрасци, каде што луѓето не се приметуваат и не се поздравуваат. Таквото однесување е сè повеќе присутно во големите градови.

Според пресметките на Обединетите нации, до 2050 година, 70% од населението ќе ги насели градовите. Дали ова значи дека и љубезноста ќе ни стане привилегија?

Ашера | Црнобело