Зошто секогаш изгледаме подобро во огледало отколку на фотографија?

Асиметрично лице

Никој нема совршено симетрично лице. За да се убедите во ова, обидете се да ги споредите двете страни од вашето лице.

Бидејќи сте навикнати да се гледате од само неколку агли, често мислите дека едната страна на вашето лице е иста како и другата.

Поради ова, на фотографиите ви изгледа како да гледате сосема друга личност, па можно е да помислите дека сте помалку атрактивни.

Притисок од околината

Кога се гледате во огледало, најчесто сте дома или во „безбедно“ опкружување.

Но на фотографиите нормално е да изгледате понапнато - ги отворате очите повеќе за да не трепнете, ги развлекувате усните во насмевка и слично.

Бидејќи неретко фотографиите завршуваат на интернет, чувствувате поголем притисок да изгледате совршено на нив. Во овој случај, само обидете се да бидете порелаксирани пред камера.

Во огледало гледате само некои детали

Сигурно сте забележале дека кога се гледате во огледало, обично се фокусирате на еден дел од лицето – носот, усните, очите…

Но кога гледате фотографија од вас, целото лице го гледате одеднаш и повеќе внимание обрнувате на вашата положба, изразите на лицето и другите нешта кои обично ги игнорирате.

Мислите дека сте поатрактивни отколку што навистина сте

Едно истражување од Универзитетот во Чикаго покажало дека луѓето настојуваат да мислат дека се поатрактивни отколку што навистина се.

За истражувањето, научниците одбрале фотографии од испитаниците, кои потоа ги уредиле да изгледаат подобро или полошо. Испитаниците требало да ја најдат оригиналната фотографија од нив.

Поголемиот дел од нив не успеале и ја одбрале фотографијата на која изгледаат подобро.

Воглавно, минуваме повеќе време гледајќи се во огледало отколку гледајќи фотографии од нас. Нашиот мозок нè „лаже“, па фотографиите од нас ни изгледаат чудно.

Сепак, ова не значи дека изгледате ужасно, туку едноставно, не сте навикнати да се гледате од одреден агол. Па, за да се ослободите од овој проблем, „истражете“ го вашето лице и гледајте го од повеќе агли.

Спирова С. | Црнобело