Модерни бонтон правила: 9 работи што не треба да ги кажете преку порака

Ако озборувате некого преку порака, без разлика дали на Фејсбук, Инстаграм или друга социјална мрежа, соговорникот лесно може да направи „скриншот“ и да го пренесе целиот разговор на личноста што ја озборувате.

Денес комуникацијата во голема мера се одвива преку пораки. Повеќето социјални мрежи што ги користиме имаат опција за допишување, па сè повеќе луѓе го преферираат овој начин на комуницирање.

Но, иако е брзо и ефикасно, во некои ситуации не треба да пишуваме порака, туку подобро е да се јавиме или да ги споделиме вестите во живо.

Работи кои не треба да ги правите преку порака:

Раскинување

Без разлика дали станува збор за врска од месец-два или врска која траела повеќе од една година, не треба да раскинувате преку порака.

Најпрво, со ова покажувате големо непочитување, а ако е сериозна врска, навистина ќе ја повредите личноста на којашто сакате да ѝ раскинете.

Ова се вести што секогаш е подобро да ги кажете во живо.

Да откажете романтичен состанок

Без разлика дали го откажувате состанокот бидејќи ви излегла обврска или, едноставно, сте се премислиле, секогаш е подобро да се јавите.

Замислете како би се чувствувале вие кога со нетрпение чекате состанок со личноста што ви се допаѓа, а таа да „ве откачи“ во последен момент преку порака.

Да споделите лоши вести

Никогаш не е лесно да споделиме лоши вести со некого и нормално е ако помислите да го направите тоа преку порака, на начин што е поедноставен за вас.

Сепак, треба да ги имате предвид чувствата на другата личност, како и фактот дека не знаете што прави во тој момент кога ќе ја види пораката.

Затоа, кога треба да кажете лоша вест или видете се во живо, или барем јавете се.

Да испраќате доверливи и чувствителни информации

Иако профилите на социјалните мрежи се добро заштитени, секогаш е подобро да не ризикувате.

Па, избегнувајте да праќате доверливи информации, како број од платежна картичка, лични податоци и слично.

Овде спаѓаат и фотографии кои лесно можат да бидат злоупотребени, како голи фотки.

Продолжува на следната страница...