Драстичните животни промени што ни се случуваат во период од 20 години, низ илустрации

На 16 години правевме драми и „бегавме“ од дома кога ќе се скаравме со родителите, но две децении подоцна темелното чистење на домот ни е многу подобра терапија во стресните денови.

За момент размислете колку се имате променето во последните 12-тина месеци. Не само физички, туку колку се променил и вашиот карактер, вашиот начин на размислување. Можеби не станува збор за огромни промени, но факт е дека по само една година, вие не сте потполно истата личност.

Сте доживеале нови нешта, сте искусиле нови работи, сте се нашле во нови ситуации – сето ова има влијание врз вас, ве гради како личност и со текот на времето ве менува.

Сега, пак, помислете колку се имате променето во последната деценија. А, колку се имате променето од периодот кога бевте тинејџери?

Ние луѓето, сакале или не, постојано се менуваме. Се менуваат нашите потреби, нашите желби, нашите сфаќања и иако на почетокот не ги ни забележуваме овие промени, по неколку години стануваат повеќе од очигледни.

Илустрациите во продолжение, пак, одлично ги доловуваат животните промени што ги искусуваме сите во период од 20-тина години:

Со возраста, се менуваат нашите желби, но изгледа секогаш копнееме по повеќе време за себе

Се менува и начинот на којшто се справуваме со емоциите

Кога станува збор за љубовни врски и партнери, како што старееме, стануваме (многу) попребирливи

Постепено сфаќаме дека сепак не знаеме сè

На 16 имаме отечено лице од плачење по изгубената љубов, на 26 од лудите забави до утринските часови, а на 36… па, поради возраста и проблемите кои доаѓаат

Некои работи засекогаш остануваат исти

А некои работи стануваат подобри

Но не заборавајте дека, сепак, некои работи се влошуваат…

Спирова С. | Црнобело