„Крадат тоалет хартија од работа наместо да купат“ - Куќна помошничка на богато семејство открива чудни детали од нивниот живот

Биле скржави, не трошеле пари за хобија или патувања и мислеле дека и најдобрите пријатели ќе пробаат да им украдат нешто од домот – куќна помошничка која четири години работела за ултра богато семејство открива како изгледа нивниот живот.

Ултра богатите луѓе како да живеат во друг свет и нивниот начин на живот не се ни споредува со нашиот.

Но, додека можеби преовладува мислењето дека богаташите сакаат да се расфрлаат со пари и да се фалат со она што го имаат, изгледа дека многу од нив се тотална спротивност од ова.

За BuzzFeed, куќна помошничка која четири години работела за богато семејство, го споделува нејзиното искуство.

Жената, која сакала да остане анонимна, живеела со семејството, па од „прва рака“ сведочела како изгледа животот на ултра богатите.

Таа вели дека, генерално, секојдневните обврски што ги имала биле „нормални“. Односно, таа имала задача да помага со готвењето, да пере облека, да чисти и да се грижи за миленикот на семејството.

Семејството живеело во соседство со многу милионери и сите имале свои дадилки. Тие имале и сосед кој бил актер, па во соседството редовно се појавувале и познати личности.

Секако, жената истакнува дека не значи дека сите богати луѓе се како семејството за коешто работела и таа го споделува само нејзиното искуство. 

Во продолжение најчудните детали за животот на богатото семејство:

Биле скржави

Куќната помошничка вели дека сопругот крадел хартиени бришачи за раце од работа за да не мораат да купуваат.

„Никогаш не купуваа бришачи за раце – никогаш не ги ни ставаа на шопинг листата за мене. Сопругот трупаше хартиени бришачи и тоалетна уште пред пандемијата“.

За некои работи трошеле цело богатство

„Штедеа и не трошеа многу пари, освен за храна. Кога стануваше збор за храна, ја купуваа најквалитетната.

Не одеа на одмори, не трошеа пари за уредување на домот – генерално, ги трошеа сите пари на храна“.

Помошничката вели дека сопругата била многу добар готвач, па ретко купувале храна од ресторани. Всушност, таа самата правела и леб и тестенини, па дури и храна за кучето.

Сакале да трошат и на облека

Помошничката вели дека семејството водело добра грижа за својата облека, ја чистеле само на хемиско, но самите никогаш немале стапнато во таков салон.

Имале најмено личност која ја земала облеката од нивниот дом, а потоа им ја враќала исчистена.

Помеѓу ултра богатите луѓе нема никаква доверба

Помошничката вели дека мажот и жената не верувале никому, дури ни на нивните најдобри пријатели.

На пример, кога имале гости, таа имала задача да ги следи наоколу во случај да не украдат нешто. Најчудно е што повеќето гости кои доаѓале и самите биле многу богати и веројатно не би посакале да крадат нешто.

Работењето за богаташи било исцрпувачко

„Тие доаѓаат од друг свет. Имав многу работа. Имав листа со обврски што требаше да ги завршам и ако не ги завршев како што треба, морав да станувам среде ноќ и одново да ги завршам. Секој ден, мажот шеташе низ куќата со лупа и проверуваше дали сум испуштила некоја прашинка“.

Куќните помошнички биле задолжени за буквално сите обврски во домот

Освен купувањето храна и готвењето, семејството не правело буквално ништо друго во домот.

„Секогаш имаат куќна помошничка. А бидејќи тогаш само јас работев за нив, некогаш имав многу напорни обврски, како чистење на нивниот автомобил“.

Продолжува на следната страница...