6 работи што отмените и културните луѓе никогаш не ги прават

Не мавтаат со раце кога сакаат да го викнат келнерот и не ги допираат сите векни леб кога се во маркет. Кои се другите работи што културните луѓе не ги прават?

Навистина не треба да вложите многу труд ако сакате другите да ве гледаат како отмена и културна личност.

Треба само да обрнете внимание на некои секојдневни навики и можеби малку да ги промените.

Кои работи не треба да ги правите ако сакате да изгледате отмено и елегантно?

Ги допирате и стискате сите овошја и зеленчуци во маркет

Нормално е да сакате да ги изберете најдобрите намирници во продавница, но не е во ред да ги допирате и стискате сите овошки и сите зеленчуци.

Истото важи и кога купувате леб – немојте да ги допирате и да ги гмечите сите векни.

Се обидувате да му помогнете на келнерот кога ви носи храна

Иако имате најдобра намера, не пробувајте да ја работите работата на келнерот.

Дозволете му тој да ги остави чиниите и чашите на масата и немојте да ги земате и да им ги подавате на другите кои се со вас.

Исто така, оставете го тој да ги собере садовите од масата, а притоа немојте да ги редите чиниите едни врз други бидејќи ќе го отежнете миењето.

Помогнете му единствено ако тој ве замоли.

Ја носите чантата во десната рака

Ова правило е во случај да треба да се ракувате со некого.

На повеќето луѓе десната рака им е доминантна, па дури и ако сте левораки, препорачливо е да ја носите чантата во левата рака за другата да ви биде слобода за ракување.

Мавтате со рацете за да го викнете келнерот

Некогаш е предизвик да му го привлечете вниманието на келнерот во полн ресторан, но и во овие ситуации избегнувајте да мавтате со рацете.

Избегнувајте и да му довикувате на келнерот.

Ако келнерот не ве гледа, сосема доволно е малку да ја кренете раката за да ве забележи и да сфати дека го барате.

Одите во тоалет среде оброк

Навистина не можеме да контролираме кога ни се оди во тоалет, но кога сте во ресторан со други луѓе, ако можете, воздржете се додека да завршат со јадење.

Истовремено, немојте да кажувате каде ќе одите, туку само извинете се.

Давате долги објаснувања кога одбивате покана за нешто

Не должите да се објаснувате кога не сакате да прифатите нечија покана.

Нема потреба да раскажувате и да се правдате, туку само кажете дека мора да одбиете.

Дури и ако личноста инсистира, навистина не мора да објаснувате зошто не сакате да одите некаде или да правите нешто.

Спирова С. | Црнобело