10 знаци дека е подобро да си заминете од интервју за работа и да не ја прифатите позицијата, низ илустрации

Пробуваат да ве убедат дека во фирмата сите се како семејство

Одлично е да имате добар однос со колегите и да ги гледате како второ семејство.

Но, ако ова е првото нешто што ви го кажуваат на интервјуто, можеби сакаат да прикријат работи како ниска и/или нередовно исплаќање плата, проблеми при користење слободни денови, барање за прекумерно работење…

Не се учтиви кон вас

Само затоа што некој е на повисока позиција од вас не значи дека тоа му дава право да не ве почитува.

Ако личноста која ве интервјуира не ви покажува почит, не би било добро да останете во таква работна атмосфера.

Не ви кажуваат кога пуштаат плата

Ако личноста што ве интервјуира избегнува да ви каже кога се исплаќа платата, тоа може да значи дека исплаќањето не се случува редовно.

Секогаш е добро да се распрашувате за ова кај луѓе кои работат или работеле во фирмата.

Од вас бараат да бидете постојано достапни

Ако ви спомнат дека ќе треба да бидете достапни и по работното време, размислете дали вреди да ја прифатите работата.

Од една страна, со претходен договор, во ред е да бидете достапни и по работно време, секако со соодветен надоместок.

Но од друга, не е во ред шефот да очекува да си го запоставите животот и да работите повеќе од договореното.

Ви поставуваат премногу лични прашања

Многу жени се нашле во ситуација да ги прашуваат за брак и семејство на интервју за работа.

Исто така, многу жени останале и без работа кога отишле на породилно отсуство.

Ако ви поставуаат многу лични прашања на интервју, како за брак, семејство, здравствена состојба и слично, најдобро не ја прифаќајте работата.

Спирова С. | Црнобело